أول رد لشركة مياه الإسكندرية عن أزمة عداد الفنان توفيق عبد الحميد

أوضحت  شركة مياه الشرب بالإسكندرية برئاسة المهندس أحمد جابر، في أول رد لها أنها تبحث شكوى الفنان القدير توفيق عبدالحميد، بسبب إزالة عداد المياه لشقة يملكها في محافظة الإسكندرية بمنطقة العصافرة.

وأكدت الشركة على أنها تحاول التواصل مع الفنان توفيق عبدالحميد للوصول لمكان الشقة تحديدا واتخاذ الإجراءات اللازمة حيال شكاوه وأنها لن تتأخر في رد مظلمته وحقه وفتحت تحقيقا فى هذا الأمر. 

وأشارت الشركة، انه جري رصد الشكوي التي أطلقها الفنان توفيق عبدالحميد،  ويجري التعامل معها و كذلك في انتظار طريقة للتواصل معه .

وكان الفنان توفيق عبدالحميد، قد اطلق استغاثة عبر صفحته علي موقع التواصل الاجتماعي فيس بوك، قال فيها 《السيد رئيس مرفق مياة المنتزه بعد التحية حدث هذا فى شقتى بمحافظة الاسكندرية بالعصافرة بحرى فى شارع اطلس دفعت فواتير المياة لفترة طويلة رغم أنها كانت باهظة وغير منطقية وانا كمان مكنتش بروحها  لكن دفعتها وبعد شوية شالوا عداد المياة وبعد شوية عملوا ليا مخالفة انى استخدم المياة بشكل غير قانونى وحرروا ليا مخالفة بـ 20000الف جنيه كل ده والشقة مقفولة لسنوات طويلة وممكن تتأكدوا من هذا الامر من استخدام عداد الكهرباء لانى خاصمتها علشان كانت بتشوف البحر من كل حتة فيها وبعد كدة اختلف الأمر تماما  وبقت كمان مجروحة وانا كمان بقيت مريض فخاصمتها ومروحتهاش بقالى حوالى 15  سنة ينفع كدة يا اسكندرية ويا رئيس مرفق مياة المنتزه انا عايز العداد بتاعى اللى شلتوه ويبقى فى الشقة".