أحمد العوضي ردًا على شائعات زواجه: «أنا قاعد اتفرج زيي زيكم»
تحدث أحمد العوضي في إحدى لقاءاته عن خبر زواجه، معربا عن انزعاجه من كون الجمهور يقترح يوميًا اسم جديد لتكون صاحبة لقب “زوجة العوضي”.
وقال: "أنا مبحبش حد يسألني في خصوصيتي .. أنا متاح ليك كفنان .. أقعد أسأل براحتك في شغلي .. لكن مش في حياتي الشخصية .. أنا مبحبش اتكلم فيها .. ولما حد بيسألني في حاجة خاصة انا مبردتش".
أحمد العوضي يرد على شائعات من ستكون زوجة العوضي؟
واستكمل عن الشائعات اليومية حول من هي الزوجة المنتظرة للفنان أحمد العوضي: "أنا قولت أني هتجوز .. هما بقى بلوروا اللي أنا قولته .. ده هيتجوز فلانة .. أنا مقولتش هي مين .. الحاجات دي بقى مش بتضايقني .. أنا ببقى زيي زي الناس .. بقعد اتفرج عليها .. بقعد اسمع اللي بيتقال .. هما بيصيغوها بطريقة مقنعة .. بقى أي واحدة أنا بسلم عليها أبقى هتجوزها".
أحمد العوضي يرد على الانتقادات الموجهة له
وعن الانتقادات الموجهة له بسبب أعماله، قال العوضي: "بسيب الناس تتكلم لأن ده مش هيغير من الواقع شئ .. لأن كل حاجة مقسومة .. النجاح مقسوم .. والفشل مقسوم .. ولكن حقك أنك تتكلم وتقول اللي يضايقك .. أنا دايمًا ببص على اللي بيحبني .. مش على اللي بينتقدني .. وأنا باخد طاقة الحب من الناس اللي بتحبني".
أحمد العوضي يشارك في مسلسل فهد البطل
ويشارك أحمد العوضي، في الماراثون الرمضاني، بمسلسل فهد البطل، حيث يتناول العمل قصة مثيرة تدور أحداثها حول تجارة الرخام في منطقة شق التعبان، والتي تعد من أكثر المناطق شهرة في مجال صناعة الرخام في مصر، ويقدم أحمد العوضي شخصية "فهد"، الشاب الصعيدي الذي يعمل في مجال صناعة الرخام، حيث يبدأ حياته العملية كصنايعي في مصنع تمتلكه الفنانة لوسي، التي تلعب دور صاحبة المصنع.
ويحمل مسلسل فهد البطل طابعًا شعبيًا دراميًا، ويجمع بين الدراما الصعيدية والإثارة، حيث يتعرض "فهد" لظروف قاسية في بيئته الصعيدية، ما يجعله يهرب من عائلته ويبحث عن حياة جديدة في القاهرة، وهناك يتورط في صراعات مختلفة ويكتشف واقعًا جديدًا تمامًا يتطلب منه القوة والقدرة على التكيف.
ويتكون مسلسل فهد البطل من 30 حلقة، وهو من بطولة أحمد العوضي، أحمد عبدالعزيز، ميرنا نور الدين، لوسي، كارولين عزمي، عايدة رياض، صفاء الطوخي، حجاج عبدالعظيم، محمود البزاوي، يارا السكري، وصفوة، فيما تظهر وفاء عامر ضيف شرف ضمن الأحداث، والمسلسل من تأليف محمود حمدان، إخراج محمد عبدالسلام، وإنتاج شركة سينرجي لـ تامر مرسي.
