«مش عايزة حد يعيد عليا».. طلب غريب من هيدي كرم في عيد ميلادها | تفاصيل
طلبت الفنانة هيدي كرم، طلبًا غريبًا من متابعيها وأصدقائها، وذلك من خلال حسابها الرسمي على إنستجرام.
هيدي كرم تطالب بعدم تهنئتها في عيد ميلادها
وشاركت هيدي عددًا من الفيديوهات عبر ستوري إنستجرام، طالبت من خلالها بعدم إرسال التهاني إليها بمناسبة عيد ميلادها من خلال خاصية الاستوري، مشيرة إلى أنها تشعر بالتوتر من هذا الأمر، بسبب شعورها بالإلزام بإعادة نشر ستوريهات لكل من هنأنها في أعياد ميلادهم.
مش عايزة حد يعيد عليا
وقالت هيدي كرم : “عيد ميلادي قرب وعندي طلب غريب جدًا .. أنا مش عايزة أي حد يعيد عليا بستوريز على السوشيال ميديا .. الموضوع بقى موتر جدًا ليا .. عارفين زمان لما كان الناس بتروح تنقط بعض في الأفراح وبيبقى في أجندة مكتوب فيها كل واحد نقط بكام .. علشان يجي الراجل ده لما يتزوج التاني ينقطه بنفس الفلوس”.
أنا مابفتكرش عيد ميلاد حد
وتابعت : “حسيت إني مضطرة لما حد يعملي ستوري في عيد ميلادي لازم أردله الاستوري .. وأبقى عارفة مين عمل ستوري أي كلام ومين عمل ستوري حلوة .. وبقيت حاسة إني عندي ضغط عصبي بسبب كل الاستوريز اللي لازم أردها للناس في أعياد ميلادهم .. وأنا مابفتكرش عيد ميلاد حد أصلًا ومش عايزة حد يفتكر عيد ميلادي”.
عيد الميلاد ده يوم عادي
وواصلت هيدي : “عيد الميلاد ده يوم عادي ناس كتير في العالم اتولدوا في اليوم ده وملايين الناس ماتوا وهيموتوا في اليوم ده .. وبعدين عيد الميلاد ده بتبقى سنة كبرناها وعدت من عمرنا .. بس خلاص مش حدث لازم نحتفل به وأنا مش الأميرة ديانا .. ومش أنا بس الناس كلها بتحتفي بعيد ميلادها بشكل مبالغ فيه”.
اللي عايز يعيد عليا يبعتلي رسالة
وأكلمت : “اللي عايز يعيد عليا ممكن يبعتلي رسالة لكن بلاش ستوريز .. أنا بطلت أحط ستوريز لصحابي في أعياد ميلادهم .. وبقيت ممكن أقابلهم ونطفي شمعة على حتة كيكة”.
أحدث أعمال هيدي كرم
وفي سياق آخر، تواصل الفنانة هيدي كرم في الفترة الحالية تصوير الجزء الثاني من مسلسل وتر حساس، والذي يشهد مشاركة عدد من الأبطال الجدد منهم غادة عادل وكمال أبو رية ورانيا منصور، بالإضافة إلى أبطال الجزء الأول، وأبرزهم إنجي المقدم ومحمد علاء جاميكا.
يُذكر أن النجمة غادة عادل تقدم بطولة الجزء الثاني من العمل، بدلًا من صبا مبارك، وكانت قد درات أحداث المسلسل في إطار اجتماعي تشويقي، حمل مفاجآت عديدة.
الجزء الأول من مسلسل وتر حساس، تدور أحداثه إطار اجتماعي تشويقي، وتقدم صبا مبارك من خلاله شخصية سلمى وهي دكتورة تجميل، تواجه تحديات كبيرة في حياتها، حيث يتوفى زوجها في حادث، كما تحاول التغلب على سر قديم من ماضيها، ثم تتورط في علاقة عاطفية تواجه بسببها العديد من الأزمات.
بينما تقدم إنجي المقدم خلال أحداث المسلسل شخصية كاميليا وهي ابنة خالة صبا مبارك ومحامية طموحة تسعى للحفاظ على زوجها ومكانتها الاجتماعية، لكنها تواجه صراعات عديدة.
مسلسل وتر حساس، مكون من 45 حلقة، وبطولة صبا مبارك، محمد علاء، إنجي المقدم، هيدى كرم، أحمد جمال سعيد، لطيفة فهمى، هاجر عفيفى، تقى حسام، محمد على رزق، محمد العمروسي، لبنى ونس، صالح عبدالنبي، تميم عبده، عزوز عادل، جنى الأشقر، نهال كمال، ونورا مهدي، والمسلسل من سيناريو وحوار أمين جمال، مينا بباوي، محمد فضل، ومريم منصور، إخراج وائل فرج، وإنتاج الشركة المتحدة للخدمات الإعلامية.
