محمد رمضان يثير الجدل برده على انتقادات إطلالته بكوتشيلا: محبتش أبان رجعي
تعرض الفنان محمد رمضان لانتقادات مجددًا، بعد رده على الهجوم الذي تعرض له في حفله بمهرجان كوتشيلا الذي أقيم في شهر أبريل الماضي في الولايات المتحدة الأمريكية، حيث كان قد تعرض لانتقادات لاذعة بسبب ملابسه.
لو كنت لبست كاجول كنت هبان راجعي
وقال محمد رمضان أمس خلال مؤتمر صحفي بلبنان قبل إقامة حفل غدًا السبت في العاصمة بيروت: “أنا بخاطب جمهور كوتشيلا ولو لبست له كاجول هبان بالنسبة لهم راجعي. ولو لبست تيشرت وبنطلون ولبس شاب عادي هبان إني فنان راجعي وجاي من عالم تالت. الكوتشيلا قائم على اللبس اللي فيه جنان”.
وأضاف محمد رمضان: “حفل الفنانة ليدي جاجا كانت بعدي وظهرت وهي عاملة ضوافر طويلة ولابسة فستان من اللحم.. ده شيء غريب طبعًا، ولكن في مثل مصري مشهور بيقول كُل اللي يعجبك والبس اللي يعجب الناس اللي بتخاطبهم”.
مهنيش انتقادات الجمهور العربي
وأكد محمد رمضان أنه لم ينزعج من الانتقادات التي تعرض لها بل إنها لم تهمه، حيث قال: “ما همنيش الملاحظات والانتقادات اللي جات لي في مصر والوطن العربي. ولا لحظة زعلت وقلت كان المفروض البس لبس تاني. بالعكس لو رجع بيا الزمن هلبس نفس اللبس. لأنه حقق التارجت وطلبوني في مهرجان أكبر بكتير لأن عجبهم أن الراجل ده متطور وفاهم الجمهور اللي بيخاطبه ومفيش واحد اشتكى. واللي اشتكوا ناس مش عاوزهم يشوفوا الحفلة. ولكل مقام مقال”.
محمد رمضان: في سني أكبر نجم في تاريخ مصر معملش بطولة مطلقة
في سياق متصل، كشف محمد رمضان أنه لا يزال في سن صغيرة، وما حققه من نجاحات لم يحققه غيره من نجوم سابقين في سنه، مطالبًا جمهوره أن يدعمه حيث قال: "أنا عندي 37 سنة فقط.. وفي عمري ده أكبر نجم في تاريخ مصر ماكنش لسه عمل بطولة مطلقة .وكان بيقال عليه الوجه الجديد، ولازم الجمهور يستنى عليا ولسه ملامحي هتبان .. والله أعلم التاريخ اللي هيذكر".
