بمناسبة عيد الأم .. حسن الرداد يوجه رسالة مؤثرة لوالدته الراحلة
حرص الفنان حسن الرداد على توجيه رسالة مؤثرة إلى والدته الراحلة، السيدة فادية الرداد، بمناسبة عيد الأم، عبر حساباته على مواقع التواصل الاجتماعي.
وكتب الرداد عبر «فيس بوك»: "كل سنة وانتي طيبة يا أمى بمناسبة عيدالأم، وكل سنة وكل أم بألف صحة، ربنا يخلي لكل الناس أمهاتهم، ويرحم أمهاتنا جميعا ويصبر كل اللى فقد أمه”.
وأضاف: “عايز أقول لكل الناس مفيش أغلى في الدنيا من الأم، إوعى حد يزعل والدته أو يضايقها للحظة واحدة واللى مزعل أمه يجرى بسرعة يبوس رجليها عشان الأم هي البركة والأمان هي الدعوة الحلوة اللى من القلب اللي بتفتح لك أبواب السما”.
تابع: كل سنة وحضراتكم طيبين، كل سنة وكل أم على راسنا جميعا..أرجو الدعاء لوالدتي السيدة فادية الرداد.
يذكر أن آخر أعمال الفنان حسن الرداد، هو مسلسل “عقبال عندكم” الذي عُرض النصف الأول من موسم شهر رمضان، وشاركته البطولة إيمى سمير غانم، ومحمد ثروت، إنعام سالوسة، عارفة عبدالرسول، علاء مرسى، حجاج عبدالعظيم وعدد آخر من الفنانين، ودارت أحداثه في إطار كوميدي، وهو من إخراج علاء إسماعيل وتأليف أحمد سعد والي وعلاء حسن.
تحدث الفنان حسن الرداد عن زوجته الفنانة إيمي سمير غانم وتصويرها المسلسل أثناء حملها، في لقاء مع ET بالعربي وقال: "التمثيل كان مجهد وصعب ربنا يكون في عونها كانت متحاملة على نفسها في التصوير، وكان كل الناس بتساعدها وكان في كوميديا كبيرة عندنا بسبب الموضوع ده في المشاهد وكان من أحلى الأجواء".
وأوضح حسن الرداد أنه حتى الآن لا يعرف جنس الجنين وكل ما يهمه أن يأتي في صحة جيدة قائلا: "ولد أو بنت أي حاجة اللي يجيبه ربنا كويس مش بفكر في كده بدعي دايما، ربنا يرزق الواحد بطفل صحته كويسة ويبقى ولد أو بنت صالحين، لو جات بنت هسميها على اسم والدتي لو ولد إيمي تختار".
وكان حسن الرداد كشف عن حمل إيمي سمير غانم خلال لقائه في برنامج "حبر سري".
قال حسن الرداد: "أنا مؤمن بالحسد ولكن مش بعمل أي حاجة تحصينات للحماية من الحسد، وأي واحدة حامل تخبي إنها حامل طالما مفيش داعي إنها تقول".
