وفاء عامر: غسل قدم الزوج ليس عيبًا.. ولو خانني سألوم نفسي!

كشفت الفنانة  وفاء عامر تفاصيل خاصة عن زواجها من المنتج محمد فوزي، مشيرة إلى أن الزواج جاء بعد فترة صعبة في حياتها، قائلة:"اتجوزت محمد فوزي بعد وفاة ولادي بسنة وشهور، وكان أكتر إنسان وقف جنبي في المرحلة دي  شُفته راجل محترم، كلمته واحدة، ضهر ليا ولعيلتي، وحسيت فيه حاجات كنت بشوفها في أبويا، هو كبير عيلته وراجل بكل معنى الكلمة."

وأضافت  خلال لقائها في برنامج Mirror مع الإعلامي خالد فرج أن علاقتها به ليست فقط مبنية على الحب، بل على الاحترام والدعم المتبادل، واصفة إياه بالشخص الحنون والرومانسي، قائلة:"هو رومانسي وقت الرومانسية، وحنين جدًا، وبيحب أصحابي وبيتقبلهم، ودي حاجة تخليني أقدره أكتر."

"مافيش عيب إن الست تغسل رجل جوزها"

أثارت وفاء عامر الجدل بتصريحاتها حول علاقتها بزوجها وكيف تُعبّر عن حبها له، مؤكدة أن بعض التصرفات التي قد يراها البعض غريبة، ما هي إلا تعبير صادق عن المودة.
قالت وفاء:"إيه المشكلة إني أغسل رجل جوزي؟ الناس بتستغرب، بس أنا شايفة إن الراجل لو بيصون مراته ويعززها ويحسسها إنها ملكة، يستاهل منها كل حاجة."
وتابعت:"لما الراجل يقدم السبت، لازم يلاقي الأحد. لو حسسني برجولته واحترمني، أنا هاحميه وأسرحلّه شعره، وأعمله اللي يفرحه. مش عيب إن الست تبادر، خصوصًا لو قدامها راجل محترم وراقي."
 

"الخيانة مسؤولية مشتركة.. وأنا هلوم نفسي"

في تصريح جريء ومفاجئ، تحدثت وفاء عامر عن الخيانة الزوجية، وقالت إنها لا ترى أن الخيانة تقع على عاتق الرجل وحده، بل هي نتيجة خلل في العلاقة.
قالت:"لو جوزي خانّي، هاعرف إن العيب مني، أكيد قصّرت معاه، أو خليته يبص بره. العلاقة بين الزوجين مش بس حب، دي مسؤولية، محتاجة اهتمام دائم من الطرفين."

رسالة للنساء: كوني قوية وحنونة في نفس الوقت

أنهت وفاء كلامها برسالة للنساء قائلة:"مفيش مانع تكوني حنونة على جوزك، وتدلعيه، بس في نفس الوقت كوني قوية وواثقة من نفسك. الراجل بيحب الست اللي بتدعمه، وتحافظ على بيتها، وده مش ضعف، ده قوة من نوع تاني."