استغلوها.. إسلام فوزي: سوزي الأردنية طيبة وكانت محتاجة حد ينصحها ويقف جنبها
تحدث اليوتيوبر والفنان إسلام فوزي عن البلوجر سوزي الأردنية بعد القبض عليها، مؤكدًا أنه كان دومًا يخشى عليها من استغلال من حولها.
كنت خايف أن الناس تستغلها ود شكله اللي حصل
وقال إسلام فوزي في فيديو عبر صفحته الرسمية بموقع فيسبوك: “يوم فيديو الهزار بتاع الثانوية العامة كتبت كومنت إني خايف عليها من استغلالها، وعارف إنها طيبة وعلى نياتها جدًا لدرجة أنها بتودي نفسها في داهية.. وكنت خايف أن الناس تستغلها ود شكله اللي حصل”.
وأضاف إسلام فوزي، أن سوزي تم استغلالها في السابق من خلال الترويج لإعلان لتشغيل الفتيات في السعودية، مشيرًا إلى أنها كانت تحتاج أشخاص أكبر منها سنًا وعلى قدر من التعليم حتى ينصحوها.
كانت محتاجة حد يقف جنبها وينصحها
وتابع إسلام فوزي: “سوزي مش معاها حد فهمان رغم كل الناس اللي بتطلع تقول إحنا بنحبها.. مش معاها حد يقولها ده لا وده صح، وامسحي ده واعملي ده. مش معاها حد يلحقها بسرعة وهي محتاجة ده لصغر سنها وصغر عقلها. كانت محتاجة حد يقف جنبها وينصحها ويكون على قدر من التعليم والثقافة أعلى منها بحيث أنها ما تسوحش نفسها، وأتمنى الحقيقة تظهر للكل، سواء ليهم أو عليهم، وربنا سترها علينا جميعًا".
إسلام فوزي يعلق على حالة الحب تجاه شاكر
كما علق إسلام فوزي على حالة الحب والدعم من الكثيرين للتيك توكر شاكر بعد القبض عليه واتهامه بغسيل الأموال.
وقال إسلام فوزي في فيديو عبر صفحته الرسمية بموقع فيسبوك: “أنا ما شفتش كده سبحان الله على كمية الناس اللي بتحب شاكر.هي حاجة من الاتنين يا طيب فعلًا وكويس أوي. يا خبيث جدًا أنه قدر يقنع كل الناس دي يحبوه ويضحك عليهم. اللي شفته هو راجل عادي ومفيش حاجة. والله أعلم بالتحريات ودي مش شغلتي. أنا بقول اللي أنا شايفه”.
وكانت وزارة الداخلية أعلنت اتخاذها الإجراءات القانونية ضد سوزي الأردنية وشاكر، حيث تم اتهام كل منهما بغسيل الأموال.
