فطار 19 رمضان...طريقة عمل البصل المحشي مع فراخ مشوية
مع حلول يوم 19 رمضان، تحتار بعض ربات المنزل في اختيار الأكلات والأطباق على مائدة الإفطار، فنقدم لكِ من خلال السطور التالية بعض الأفكار البسيطة التي تساعدك في تحضير سفرة رمضان.
مكونات لعمل محشي البصل
الأرز : كوب
- بقدونس : ملعقة كبيرة (مفروم)
- صلصة طماطم : ملعقة كبيرة
- الثوم : فصّان (مهروس)
- كزبره ناشفه معلقه صغيره
- الكمون : ملعقة صغيرة
- فلفل أسود : نصف ملعقة صغيرة
- ملح : نصف ملعقة صغيرة
- زيت الزيتون او زيت عادى : نصف كوب
- البصل : 1 حبة (مفروم)
- البصل : 4 حبات (متوسط الحجم)
طريقة عمل محشي البصل
املأي قِدرًا عميقًا بالماء، واتركيه يغلي على نار عالية، وأثناء ذلك افرمي الطماطم، والثوم، والبصل.
ضعي في وعاء كلاً من الأرز بعد غسله، والبقدونس، ومعجون الطماطم، والطماطم المفرومة، والبصلة، والثوم، والملح، والفلفل، والكمون، والكزبره ، وزيت الزيتون، وحركي حتى تمتزج مكونات الحشوة جيدا.
قطعي حبات البصل من طرف واحد وحتى المنتصف فقط لتبقى حبة كاملة وضعيها في الماء الساخن واسلقيها على نار عالية لحوالي 5 دقائق.
افصلي طبقات البصل عن بعضها وضعي في طرف الطبقات الكبيرة كمية من الحشوة ثم لفيها بإحكام ورتبيها في قدر عميق.
كرري الخطوة السابقة حتى تنتهي الكمية، وضعي مرقه بحيث يغمر البصل، ثم ضعي طبق زجاجي فوق محشي البصل، وغطي القدر واتركيه على نار عالية حوالي 50 دقيقة حتى ينضج، وقدميه ساخنا.
طريقة عمل فراخ مشوية
المقادير:
• 1 فرخة وزن 1.5 كيلو مفتوحة من الظهر ومفرودة
• ½ كوب زبادي
• 2 معلقة كبيرة معجون طماطم
• 3 معلقة كبيرة زيت زيتون
• 1 معلقة صغيرة بابريكا
• 1 معلقة صغيرة كزبرة ناشفة
• ½ معلقة صغيرة فلفل أسود
• ½ معلقة صغيرة كمون
• ½ معلقة صغيرة قرفة
• ½ معلقة صغيرة زنجبيل بودر
• ½ معلقة صغيرة شطة (اختياري)
• 1 معلقة صغيرة ثوم بودر
• 1 معلقة صغيرة بصل بودر
• 1 معلقة صغيرة ملح
• 2 معلقة كبيرة خل
• عصير 1 ليمونة
طريقة التحضير:
1. في بولة كبيرة، اخلطي الزبادي مع معجون الطماطم والزيت وكل التوابل وعصير الليمون والخل، وقلبيهم كويس.
2. تبلي الفراخ بالخليط ده واتأكدي إنها متغطية بالكامل، وسيبيها في التتبيلة من 4 لـ 6 ساعات في التلاجة (كل ما زادت المدة كل ما كان الطعم أحلى).
3. سخني الفرن على 200 درجة مئوية، وافردي الفراخ على شبكة الفرن، وتحتها صاج أو صينية فيها ورق زبدة عشان تستوي على حرارة متساوية وتنزل العصارة بتاعتها.
4. ادخليها الفرن لمدة 45-50 دقيقة، وفي آخر 10 دقايق، شغلي الشواية عشان تاخد لون مشوي زي الفحم.
