عجوز على كرسي متحرك يرفض الجائزة.. ملخص الحلقة 18 من |مدفع رمضان

شهدت الحلقة 18 من برنامج "مدفع رمضان" والتي عُرضت اليوم الثلاثاء، ظهور عزة نفس شديدة من شخص يحمل الجنسية السورية، ويعمل بائعاً للمناديل ويجلس على كرسي متحرك، في منطقة الحصري بأكتوبر، بعدما رفض استلام مبلغ 100 ألف جنيه من الفنان محمد رمضان وطلب التبرع بها لمسجد.

عزة نفس بائع المناديل

وتوجه الفنان محمد رمضان إلى رجل عجوز “بائع مناديل” على كرسي متحرك، وكان نص الحوار بينهما كما يلي:

رمضان: كل سنة وأنت طيب .. اسمك إيه؟

الرجل: غانم

محمد رمضان: منين يا عم غانم؟

غانم: من سوريا

محمد رمضان: تحياتي لأهل سوريا، أنت كسبت معايا دول

غانم: لا أنا مش هاخد حاجة

محمد رمضان: ده برنامج اسمه مدفع رمضان وأنت كسبت

غانم: لا حطهم في الجامع

محمد رمضان: طب خدهم أنت وحطهم في الجامع

غانم: طب هاخد بس تاخد المناديل دي كلها

محمد رمضان: هاخد منك المناديل..  إحنا برنامج بيكسب الناس مش بيساعدهم، أنت راجل شغال بدراعك

وكشف الفنان محمد رمضان أن الحج غانم لم يقبل المال، إلا إذا أخذت منه جميع المناديل، وأشاد به وبعزة نفسه.

5 أمثال شعبية

وفي الفقرة الأخرى  أثناء تجول محمد رمضان  في منطقة الحصري بأكتوبر، قرر منح جائزة 100 ألف جنيه، لمن يقول له 5 أمثال شعبية.

التقى رمضان بسيدة وقال لها حافظة 5 أمثال شعبية؟.

وسردت له الـ 5 أمثال،  كما يلي:

الجار قبل الدار.
يا بخت من بات مظلوم ومباتش ظالم.

صبحه ولا تمسية ولا تعرف الزمن عمل إيه فيه.
أنا وأخويا على ابن عمي وأنا وابن عمي على الغريب.
يا بخت من زار وخفف.

ومنح محمد رمضان  السيدة الجائزة وقيمتها 100 ألف جنيه، وقالت:" أنا سمعت ناس كتير بتقول إن الكلام ده كذب، بس والله لا، وأنا كسبت أهو ومحمد رمضان مش بياخد الفلوس تاني من الناس".

فقرة اختيار رقم عشوائي

وفي فقرة اختيار رقم هاتف عشوائي للفوز بمبلغ 200 ألف جنيه  قبل بدء  الفنان محمد رمضان باختيار الرقم قال: ده السيزون الأول من مدفع رمضان، كل رمضان لما يجيلك تليفون من رقم غريب رد عليه مش هتخسر حاجة، مش لازم تكون اشتغاله جايز يكون أنا وتكسب.

محمد رمضان: مساء الهنا
صاحبة الرقم: أنت مين؟ عايز هاني برضه.. إحنا واخدين الرقم ده من واحد اسمه هاني ومنعرفوش
محمد رمضان: أنا محمد رمضان  من برنامج مدفع رمضان وإنتي كسبتي 200 ألف  جنيه
صاحبة الرقم: يا سلام؟ هما فين الـ 200 ألف جنيه دول
محمد رمضان: جايلك في الطريق
صاحبة الرقم: أنت بتتكلم بجد؟  هو أنت مين بقي؟ 
محمد رمضان: أنا والله محمد رمضان الممثل 
صاحبة الرقم: بجد؟ إنت راجل كويس وابن حلال وأولاد أبني كانوا بيتكلموا عليك وبيقولو إنك كويس