فريدة الشوباشي: صوت المرأة يتقدم الصفوف ومشاركة الناخبين أمانة وطنية |فيديو
وجهت النائبة فريدة الشوباشي، عضو مجلس النواب، رسالة وطنية للمصريين، مؤكدة أن المشاركة في انتخابات مجلس الشيوخ 2025 واجب وطني ومسؤولية تاريخية، مشيدة بالدور الرائد للمرأة المصرية في تصدر طوابير الناخبين، كما اعتادت في كل استحقاق سياسي.
دور نسائي ثابت ومحوري
أكدت فريدة الشوباشي، في مداخلة هاتفية مؤثرة ضمن حلقة خاصة من برنامج "الستات مايعرفوش يكدبوا" على قناة CBC، أن المرأة المصرية ليست فقط نصف المجتمع، بل تؤثر بعمق في النصف الآخر، فهي المحرك الرئيسي للأسرة وللمجتمع السياسي، مضيفة: "الست المصرية بتشحن العيلة كلها، وبتنزل أول وحدة، وبتشجع جوزها وولادها وأصحابها على النزول والمشاركة".
وشددت فريدة الشوباشي على أن مشاهد طوابير السيدات لم تعد مفاجئة، بل هي تعبير صادق عن الوعي السياسي المتجذر، مضيفة: "الست المصرية دايمًا في المقدمة، وهي رمانة الميزان، وحائط الصد الأول في مواجهة محاولات التشكيك أو التقليل من أهمية الانتخابات".
الشعب يختار مصيره بيده
قالت فريدة الشوباشي: "احنا النهاردة اللي بنختار قادتنا، وبنقرر شكل مستقبلنا، وده مش مجرد تصويت، دي أمانة ومسؤولية قدام ربنا وقدام الوطن".
وأضافت فريدة الشوباشي: "لازم كل واحد يعرف إن صوته أمانة، ومايديش صوته إلا للي يستحق، لأن دول اللي هيمثلوك ويوصلوا صوتك ومشاكلك، ولو ما نزلتش تشارك، يبقى ما عندكش حجة قدام اللي جاي بعدك".
المشاركة رد على المؤامرات
أشارت فريدة الشوباشي إلى أن حجم المشاركة في أول أربع ساعات من فتح اللجان، كان كافيًا للرد على كل محاولات إحباط المصريين، قائلة: "كان في محاولات من جماعات الشر إنها تقول للناس ما تنزلوش، لكن الناس نزلت وشاركت بقوة، والرسالة واضحة: الشعب المصري مر بتجربة مريرة، وقرر ما يرجعش ورا تاني".
وأكدت فريدة الشوباشي أن ما يحدث من مشاركة واعية هو أقوى سلاح في وجه من يحاول زعزعة الثقة بين المواطن والدولة، مضيفة: "اللي حصل في 2011 فاقنا، واللي شوفناه في محاولات زعزعة الثقة علمنا. دلوقتي ما حدش يقدر يضحك على الشعب المصري".
دعوة للمجتمع بأكمله
في ختام حديثها، وجهت فريدة الشوباشي رسالة إلى كل المصريين: "كل صوت مسؤولية، وكل مواطن عليه واجب، اختار اللي يستحق صوتك، ما تديلوش لمجرد المجاملة. ده صوتك وصوت ولادك ومستقبلهم. وافتكر إنك إنت اللي بتختار، مش الدولة اللي بتفرض عليك حد".
وذكرت فريدة الشوباشي: "مش مهم هننتخب مين، المهم ننزل ونشارك، ونثبت إننا جديرين بالديمقراطية اللي بنيناها بعد ثورة عظيمة، وإننا مش هنفرط فيها أبدًا".
