لو زهقتي من الأكلات التقليدية.. إليكِ طريقة عمل راب الفراخ المشوي بالجبنة مع بطاطس محمرة في الفرن لفطار رمضان
مع حلول يوم 18 رمضان، تحتار بعض ربات المنزل في اختيار الأكلات والأطباق على مائدة الإفطار، فنقدم لكِ من خلال السطور التالية بعض الأفكار البسيطة التي تساعدك في تحضير سفرة رمضان.
طريقة عمل راب الفراخ المشوي بالجبنة
المقادير:
• 2 صدر فراخ مقطع شرائح رفيعة
• 2 رغيف تورتيلا أو عيش سوري
• 1 كوب بطاطس محمرة
• 1/2 كوب جبنة موتزاريلا مبشورة
• 2 ملعقة كبيرة زبادي
• 1 ملعقة كبيرة مايونيز
• 1 ملعقة صغيرة ثوم مفروم
• 1 ملعقة صغيرة بابريكا
• نصف ملعقة صغيرة كزبرة ناشفة
• 1 ملعقة كبيرة عصير ليمون
• ملح وفلفل أسود حسب الرغبة
• زيت زيتون
• مخلل خيار شرائح
طريقة التحضير:
1. في بولة، اخلطي الزبادي مع المايونيز والثوم والبابريكا والكزبرة وعصير الليمون، وضيفي الملح والفلفل، وبعدها تبّلي شرائح الفراخ بالخليط ده وسيبيها تتتبل ساعة.
2. سخني طاسة على نار متوسطة مع شوية زيت زيتون، وشوّحي الفراخ لحد ما تستوي ويبقى لونها ذهبي.
3. سخني العيش، وحطي طبقة جبنة موتزاريلا عليه، وسيبيها تدوب شوية.
4. رصي الفراخ المشوية فوق الجبنة، وضيفي البطاطس المحمرة وشرائح المخلل.
5. لفّي الساندوتش كويس، وحمّريه على الجريل أو في طاسة ناشفة لحد ما ياخد لون مقرمش.
6. قدميه سخن واستمتعي بأحلى طعم.
بطاطس محمرة في الفرن
المقادير:
• 4 بطاطس متوسطة مقطعة حلقات
• 3 معلقة كبيرة زيت زيتون أو زبدة مذابة
• 1 معلقة صغيرة ملح
• 1/2 معلقة صغيرة فلفل أسود
• 1/2 معلقة صغيرة بابريكا (اختياري)
• 1 معلقة صغيرة ثوم بودرة
• بقدونس مفروم للتزيين
طريقة التحضير:
1. سخني الفرن على درجة حرارة 200.
2. في بولة، اخلطي البطاطس مع الزيت، الملح، الفلفل، البابريكا، والثوم البودرة، وقلبيهم كويس.
3. رصي البطاطس في صينية فرن على طبقة واحدة.
4. دخليها الفرن لمدة 25-30 دقيقة مع التقليب في النص، لحد ما تاخد لون دهبي وتبقى مقرمشة.
5. طلعيها ورشي عليها البقدونس المفروم وقدميها ساخنة.
