محامي يحذر أم مكة: "يا كدابة دورك جاي.. نشوف باقي الطقم ونرجعلك"
وجه المحامي أحمد مهران رسالة تحذير إلى البلوجر " أم مكة "، بالتحديد بعد إدعائها أن رصيدها الكبير جاء بسبب أنها تبيع الفسيخ بـ 120 ألف جنيه في اليوم الواحد في فرع واحد من محلاتها.
وكتب أحمد مهران على حسابه الشخصي عبر "فيسبوك": أم مكة بتاعة الفسيخ: أنا ببيع في اليوم بـ ١٢٠ ألف جنيه في فرع واحد، ايه اللي يخليني ميبقاش معايا فلوس، وأنا بقولك كدابة، وملفك وأرصدتك وحساباتك هنا وفي الامارات بتقول إنك كدابة، والناس في مصر عارفه إن الفسيخ مواسم، ومش من السلع لأساسية اليومية اللي عليها استهلاك كبير ‼️ المحلات اللي بتبيع سلع أساسية يومية وعليها إقبال مش بيبيع بالرقم ده، وانتي تقولي من فرع واحد، طيب أنا بقولك تاني انتي كدابه".
وأشار المحامي أحمد مهران إلى وجود مافيا وعناصر أخرى قال: "واللي بيأكد كلامي !! باقي الشلة من أصحابك وأصدقائك !! أم سجدة وأم مراجيح وأم خالد وباقى النسوان ؟.. بيبيعوا فسيخ برضه معاكي ؟ و لا الفلوس نزلت عليهم مع المطر من السحاب، ولا شغالين في الاستيراد والتصدير؟".
ولفت مهران إلى أن التحقيقات مستمرة في هذه القضية "متخافيش يا أم مكه، مش أنتي البداية ؟ انتي دورك جاي ! بس لسه بدري عليكي شوية ! في عناصر تانية أشد منك خطورة، أنتي أتفه من كده بكتيير، لما نشوف باقي الطقم وفي الأخر نرجعلك، تكوني بعتي الفسيخ".
وفي السياق ذاته، كشفت البلوجر وصاحبة العلامة التجارية الشهيرة "فسيخ أم مكة" عن حجم الأرباح التي تحققها من بيع الفسيخ، موضحة أن مبيعاتها اليومية من محل واحد فقط قد تصل في بعض الأحيان إلى 120 ألف جنيه مصري.
أرباح أم مكة من الفسيخ
وقالت أم مكة في تصريحات مصورة: "كنت ببيع بـ120 ألف جنيه في اليوم من محل واحد، بس طبيعي جداً إن المبيعات تتفاوت، ممكن في يوم تاني تكون 10 أو 30 أو حتى 3000 جنيه".
تأثير السوشيال ميديا
أوضحت أم مكة أن شهرتها الحقيقية بدأت بعد الظهور على مواقع التواصل الاجتماعي، حيث قالت: "الفلوس دي جات بعد الشهر، السوشيال ميديا وش خير عليا"، مشيرة إلى أن محلاتها الآن باتت معروفة على نطاق واسع بفضل الدعاية من المتابعين.
فيديو الساحل
وتطرقت أم مكة إلى حياتها الشخصية، وذكرت مشاركتها في إحدى الفلل بالساحل الشمالي مع عدد من المشاهير، حيث قالت إن تكلفة الإقامة لكل أسرة بلغت قرابة 20 ألف جنيه في الليلة، موضحة أنهن أقمن في فيلا بـ9 غرف على مدار 4 أيام.
قائمة أسعار فسيخ أم مكة 2025
وفي هذا السياق، يستعرض موقع «نيوز رووم»، خلال السطور التالية أسعار فسيخ أم مكة 2025، والذي جاء كالتالي:
- كيلو الفسيخ (سمكتين): 400 جنيه
- كيلو الفسيخ المخلي: 430 جنيه
- نصف كيلو فسيخ مخلي: 215 جنيه
- فسيخ حجم وسط (3 سمكات بالكيلو): 380 جنيه
- كيلو فسيخ صغير (4 سمكات): 350 جنيه
- نصف كيلو فسيخ متوسط سليم: 350 جنيه
- نصف كيلو فسيخ صغير (2 سمكة): 200 جنيه
- برطمان بَسَاريا (ربع كيلو تقريبًا): 70 جنيه
- كيلو سردين: 240 جنيه
- نصف كيلو سردين: 120 جنيه
- طحينة بلدي: 40 جنيه
- كيلو بطارخ مرملة: 800 جنيه
- نصف كيلو بطارخ: 400 جنيه
- كيلو رنجة هولندي مدخنة: 200 جنيه
- كيلو أم الخلول: 350 جنيه
- جبنة قديمة: 140 جنيه
- كيلو جبنة هالبينو: 140 جنيه
تفاعل كبير
تفاعل عدد كبير من رواد مواقع التواصل الاجتماعي مع تصريحات أم مكة، بين من أبدى دهشته من حجم المبيعات، ومن اعتبرها نموذجًا للنجاح في التسويق الشخصي والمشروعات الصغيرة التي تنمو بفضل المنصات الرقمية.
