أميرة مكاوي: زياد الرحباني فنان أكبر من زمنه والحرية كانت مشروعه الأول
نعت الناقدة الفنية أميرة سيد مكاوي الموسيقار الراحل زياد الرحباني، بكلمات مؤثرة وقراءة عميقة لمسيرته، مؤكدة أنه لم يكن مجرد فنان، بل "إنسان أكبر من الزمن اللي عاش فيه".
زياد الرحباني فنان أكبر من زمنه والحرية كانت مشروعه الأول
وكتبت الناقدة الفنية أميرة سيد مكاوي في منشور لها عبر حسابها على موقع التواصل الاجتماعي “فيس بوك”: “ليه رحيل وغياب زياد الرحباني موجع ؟ لأن زياد إنسان أكبر من الزمن إللي عاش فيه.. زياد ابن لأب وأم مكسرين الدنيا وعيلة كلها فن..ويمكن كمان طبقه غنيه، لكن زياد فنه غير، هو كله إنسان غير موهوب في كل شيء روحه لمسته شاعر/ ملحن/ ممثل مسرحي/ مؤلف مسرحي/ مؤلف موسيقي/ مغني/ إذاعي/ صاحب رأي سياسي، وكل موهبه من مواهبه شاطر فيها جدًا”.
أميرة مكاوي: زياد ما كانش بيجامل ولا فارق معاه قال الحق حتى في وش فيروز
واستطردت أميرة مكاوي في وصف زياد الرحباني قائلة: “متمرد ومش عايز حاجه غير انه يكون حر، مفكر كبير وساخر أكبر، يحكي عن احوال الناس ويضحكهم على أوضاعهم بجملة صغيرة، شايف الصح صح والغلط غلط من وجهة نظره، وقادر يقول اللي في راسه بدون خوف، ومش فارق معاه، ولأنه مش مش موهوم ولا متفذلك هتلاقيه على مدى مشواره بيغير افكاره لما بيشوف ان اللي شافه من قبل ما بقى لابق ع هلا، مليان موسيقى، وموسيقى فاهمه بسيطه لكن في غاية التعقيد، دارس غربي ومذاكر شرقي أجدع من أي حد، صريح للآخر، ومش عايز لا نجوميه ولا فلوس ولا شي، لا بيجامل ولا فارقه معاه، بيقول الحق حتى في وش فيروز لما عملت أغاني كان شايف انها مش ناجحة”.
أميرة مكاوي: زياد الرحباني كان صادقًا وحرًا وموسيقاه بسيطة ومعقدة في نفس الوقت
واختتمت “مكاوي” منشورها قائلة: “كبير جدًا زياد.. كبير مش لانه ابن فيروز وعاصي بس كبير لانه فنان بجد فهم أعمق نقطه في الفن انه لازم يكون حر وصادق وبسيط وبيفهم وبيوعي وبيفوق وبيسخر، علشان ايه فيه امل، زياد كان حر في زمن بيغصب الناس تكون خوافه، وزياد مكانش كده، ودايما في الاخر فيه آخر فيه وقت فراق”.
