أدوار الشرّ تفتح النار على محمد رجب داخل السينما| فيديو

أكد الفنان محمد رجب، أنه قدم شخصية الشرير فى 12 فيلم  قائلا: "بطلع شرير غني ومعاه عربية والبطل بيحب واحده وأنا بيضايقه ولما وصلت للمرحلة دي تعبت وكنت بدخل السينما اتشتم كتير".

وقال محمد رجب، خلال حواره ببرنامج "أسرار"، مع الاعلامية أميرة بدر، المذاع على قناة النهار، إلى أنه حينما يشعر الفنان بأن امكانياته أكبر بكثير من حصره في أدوار معينة بيشعر بوجع كبير، مضيفا: "مش قادر استحمل إني لما اخش مكان عام الناس تنفر وتخاف حتى لو بدعوى النجاح ومليت من كلمة ده نجاح والأفلام والأدوار بقت شبه بعضها".

 مشكلة حضور المهرجانات

ولفت محمد رجب، إلى عدم وجود مشاكل بينه وبين حضور المهرجانات، متابعا: "معنديش مشكلة مع الظهور في المهرجانات وعندي أصحاب في الوسط الفني يربطني بهم عشرة وذكريات لكن أنا مُقل في الظهور ولما بخرج بيكون للضرورة وأنا بحب البيت وممكن أكون في وقت تحضير شغل أو تنفيذ أعمال فنية".

 أجاب الفنان محمد رجب، على سؤال الإعلامية أميرة، حول موقفه من العمل مع النجم محمد رمضان حال عرض العمل معه، قائلا: "موقفي مترتب على الدور من ناحية حجمه والوضع اللي هبقى في الفيلم عامل ازاي ولازم اشوف الورق الأول".

تجسيد دور الشر مع محمد رمضان

وأبدى محمد رجب، موافقته على تجسيد دور الشر مع محمد رمضان، لكن الموضوع يكون بشكل يليق به وبحجمه، مضيفا: "بحب محمد رمضان ولو في موضوع يليق بيا وبحجمي اعمله، والمفروض اسمه يتكتب قبل اسمي على العمل".

واستكمل: "محمد رمضان ميجا ستار وأنا ستار وعشان أقدر أروح المشوار اللي أنا عايزة لازم أعرف أنا قاعد فين الأول وهدفي أكون ميجا ستار وأنا بعمل اللي عليا وإنها تيجي أو متجيش شيء بتاع ربنا".

فيلم بيكيه والأفلام المهمة

ا لفت الفنان محمد رجب، إلى أن فيلم بيكيه من الأفلام المهمة جدا بالنسبة له في مشواره الفنية وحينما عرض على القنوات حقق جماهيرية كبيرة واعتبره هذه الشعبية للفيلم تعويض من ربنا، قائلا: "تعبت في الفترة دي وهو منزلش السينما بإعلان غرفة السينما وربنا عوضني لما اتعرض على القنوات".