النميمة أبرزها.. ردّ غير متوقع من محمد رجب عن أحمد عز| فيديو
قال الفنان محمد رجب، إن أحمد عز صديق مقرب له وعاشوا مع بعض كل التجارب حتى الانطلاق في العمل الفني، قائلا: "أحمد عز حبيبي وعشنا مع بعض كل التجارب وهو كان بيسيب السياحة وأنا اسيب الشغل بتاعي ونشوف حظنا وكنت بروح له البيت كتير بعد ما خلصنا مذكرات مراهقة".
وأشار محمد رجب، خلال حواره ببرنامج "أسرار"، مع الاعلامية اميرة بدر، المذاع على قناة النهار، إلى أنه والنجم أحمد عز كان لهم لقاءات يومية، مضيفا: "كنا بنشوف بعض بشكل يومي في أعمال فنية وهو ملتزم وصاحب صحبه ومش بيحب يجيب سيرة حدا وفي حالة وبقلنا كتير متقبلناش لكن بيننا عشرة سنين كتير أوي".
التروي في الحكم
ووجه محمد رجب، رسالة إلى الناقد طارق الشناوي يطالبه بالتروي في الحكم عليه، قائلا: "عايز طارق الشناوي يهدى شويه عشان يبقى تقييمه سليم عشان لما يقول إني المفروض أبقى بطل ثاني هو ضد الواقع وإرادة ربنا، وأنا عامل 24 فيلم بطولة و8 مسلسلات بطولة والمفروض يتروى وأنا رديت على كلامه وكلامي كفيل بالإقناع".
فيلم بيكيه والأفلام المهمة
وأوضح الفنان محمد رجب، أن فيلم بيكيا من الأفلام المهمة جدا بالنسبة له في مشواره الفنية وحينما عرض على القنوات حقق جماهيرية كبيرة واعتبره هذه الشعبية للفيلم تعويض من ربنا، قائلا: "تعبت في الفترة دي وهو منزلش السينما بإعلان غرفة السينما وربنا عوضني لما اتعرض على القنوات".
عرض فيلم بيكيا
وكشف محمد رجب أن هناك خلاف حصل بينه وبين المنتج أحمد السبكي خلال عرض فيلم بيكيا ولكن تصالحوا، مضيفا: "خطوة بيكيا أفادتني ودخلتني الدراما وحققت نجاحات متتالية فيها وبالنسبة لأحمد السبكي اتصالحنا ومضينا مع بعض فيلم كوكتيل وكنت زعلان إنما هو غالي عندي واعتبره اخويا الكبير واعرفه على المستوى العائلي وعملنا أفلام كتير مع بعض".
الأدوار الشريرة ومشكلتها
ولفت محمد رجب، إلى أنه قدم العديد من الأدوار الشريرة ومشكلتها في كتابتها قريبة من بعض الناس، قائلا: "الناس كرهتني جدا في فيلم مذكرات مراهقة وحرامية في كي جي تو والباشا تلميذ وبدخل السينما بتشتم كتير واللي كان مصبرني أن ده نجاح ولكن مليت مع الوقت".
