وفاء عامر توجه رسالة غامضة في فيديو جديد بعد اتهامها بالتجارة في الأعضاء

نشرت الفنانة وفاء عامر مقطع فيديو عبر حسابها الشخصي بموقع فيسبوك، ظهرت فيه توجه رسالة غامضة ومقصودة إلى أحد الأشخاص.
وقالت وفاء عامر في الفيديو: “إيه الغنى اللي يشبه الفقر.. هو إنك تبقى معزوم عند حد عارف إنه غني.. بس كل الدنيا مبعككة.. في الفطار فول جنب بيض جنب عسل جنب شوية مكرونة بايتة.. والغنى هو إنك تحسس اللي قدامك إنك مش محتاج حاجة..وبيتك جميل وريحته نضيفة.. أما الغنى اللي يشبه الفقر هو هو البعزقة وبعد كل ده يترمي في الزبالة والناس تبقى حاسة إنك معملتش معاهم الواحب”.
وحرص عدد كبير من نجوم الفن على دعم الفنانة وفاء عامر، ومنهم الفنانة السورية سلاف فواخرجي، حيث كتبت: "وفاء عامر الست المصرية الجدعة بكل تفاصيلها، أم وأخت لكل مين عرفها وفي الشدة قبل الفرح … بحبك جدا ياوفاء ومعاكي دايما".
وقالت وفاء عامر في مداخلة هاتفية عبر برنامج الستات ما يعرفوش يكدبوا: “أنا ست عنيدة ومش هسيب حقي. دي مش 5 جنيه حد ناصب عليا فيها. وأنا بنت راجل محترم وجوزي راجل محترم وعيلتي فيها رجالة محترمين ومبسوطين من موقفي وقولتلهم محدش ليه دعوة علشان يتقال ست جابت حقها وزمايلي في منتهى الاحترام، علشان محدش يجرؤ يجي على القوة الناعمة”.
وأضافت: “بشكر كل النقابات والدكتور أشرف زكي، وهكون عايزه إيه أكثر من كده.؟ أنا بعد الإشاعة ديه أقسم بالله أنا كل ست كبيرة بتحضني والعيل بيجري عليا وهفضل كده. وبشكر كل جمهوري من قلبي بجد وهي مش محنة دي منحة إدهالي ربنا دي جايزة من عند ربي”.