طريقة عمل بيتزا الطاسة السريعة والخفيفة على سحور رمضان
وجبة سحور رمضان من أكثر الوجبات التي تحتار ربات المنزل في اختيار الأطباق الغير تقليدية و اللذيذة والتي تساعد في الشعور بالشبع أيضا.
نقدم لكم من خلال السطور التالية وحبة سحور لذيذة و سريعة و هي بيتزا الطاسة السريعة والخفيفة التي يمكنك تطبيقها في البيت.
طريقة عمل بيتزا الطاسة السريعة والخفيفة
المقادير:
• 2 كوب دقيق
• ربع كوب زيت
•ربع كوب حليب بودرة
• 1 ملعقة صغيرة خميرة
• 1 ملعقة صغيرة سكر
• 1 ملعقة صغيرة بيكنج بودر
• ماء دافئ للعجن (حسب الحاجة)
طريقة التحضير:
1. تحضير العجينة:
• في بولة، اخلطي الدقيق مع الحليب البودرة، الخميرة، السكر، والبيكنج بودر.
• ضيفي الزيت وقلبي لحد ما يتوزع كويس في الدقيق.
• ضيفي الماء الدافئ شوية بشوية مع التقليب المستمر لحد ما توصلي لقوام شبه عجينة البان كيك، يعني يكون سايل بس مش خفيف قوي.
2. تسوية العجينة:
• جهزي طاسة تكون غير لاصقة (تيفال أو جرانيت).
• سخنيها على نار متوسطة، وادهنيها بنقطة زيت.
• صبي شوية من الخليط في الطاسة ووزعيه بالتساوي علشان يكون سمكها متساوي.
3. إضافة الحشوة:
• أول ما العجينة تبدأ تتماسك، وزعي عليها الصلصة اللي محضراها.
• ضيفي أي إضافات تحبيها (فلفل، زيتون، لانشون، فراخ، تونة، حسب رغبتك).
• وزعي جبنة دومتي الموتزاريلا العادية على الوش.
4. التسوية:
• غطي الطاسة وسيبيها على نار هادية لمدة 15 دقيقة لحد ما الجبنة تسيح والعجينة تستوي من تحت.
• لو حابة الوش يتحمر شوية، ممكن تشغلي الشواية دقيقة بعد ما تخلصي التسوية على البوتجاز.
نصائح لنجاح البيتزا:
- لابد من أن تكون الطاسة سخنة قبل وضع بالعجينة.
- عدم وضع كمية كبيرة من الحشو حتي تنضج العجينة جيدا من الأسفل.
- تغطى الطاسة جيدا حتى تذوب الجبنة والعجينة تنضج بالبخار.
طريقة فطائر البطاطس المهروسة
المقادير:
• 2 بطاطسة كبيرة مسلوقة ومهروسة
• 1 بيضة
• 2 ملعقة كبيرة دقيق
• 1 ملعقة صغيرة ملح
• نصف ملعقة صغيرة فلفل أسود
• نصف ملعقة صغيرة بابريكا (اختياري)
• 2 ملعقة كبيرة جبنة كريمي أو أي نوع جبنة بتحبيه (اختياري)
• 1 ملعقة كبيرة زبدة أو زيت
طريقة التحضير:
1. في بولة، اخلطي البطاطس المهروسة مع البيضة والدقيق والملح والفلفل والبابريكا لحد ما يبقى الخليط متجانس.
2. سخني الطاسة على نار متوسطة وحطي فيها شوية زبدة أو زيت.
3. خدي مقدار من الخليط وضعيه في الطاسة وافرديه على شكل قرص زي البان كيك.
4. اتركيه لحد ما يحمر من تحت، بعدين قلبيه على الناحية التانية وسيبيه لحد ما يحمر.
5. كرري الخطوات مع باقي الكمية، وقدميها سخنة.
