أحمد أمين: نتيجة الثانوية العامة بداية عالم جديد ممكن تبقى أشطر فيه

وجه الفنان أحمد أمين نصيحة إلى طلاب الثانوية العامة ممن لم يحالفهم الحظ ولم يحصلوا على المجموع الذي يرضى رغباتهم.

وكتب أحمد أمين عبر حسابه بموقع إنستجرام: “دايما يقولك إيه.. إنت نتيجتك في الثانوية العامة دي نهايـ.ـة العـ.ـالم.. لأ متتخضش هي نهايـ.ـة العـ.ـالم .. بس هي نهايـ.ـة العـ.ـالم بتاعت المذاكرة اللي من النوع ده.. وبداية عالم جديد ممكن تبقى إنت أشطر فيه.. إنت ممكن تكون مش شاطر أوي في المذاكرة دي بالمناهج دي بالطريقة دي.. بس العالم الجديد بقى اللي إنت هتروحله وتتخرجله وتشتغل فيه.. ممكن تبقى إنت أشطر في العالم ده”.

وجاءت تعليقات المتابعين على الفيديو كالآتي: “حضرتك أحسن واحد حلل الحاجة دي حتي ابني صغير داخل ثانوي بيقولي ماما احنا بندرس حاجات في ابتدائي ونرجع نعيدها بطريقة اصعب في أعدادي ونرجع نعيدها بطريقة بشعة في ثانوي ونطلع منهم مش فاهمين حاجة وندخل جامعة تدرس حاجة عمرنا مادرسناها ونشتغل في حاجة مالهاش دعوة بحاجة كله علي الله يا ماما".

واعتمد السيد محمد عبد اللطيف، وزير التربية والتعليم والتعليم الفني، أمس الثلاثاء، نتيجة الدور الأول لطلاب شهادة اتمام الثانوية العامة للعام الدراسي 2024/ 2025 بنسبة نجاح النظام الجديد 79.2%، والنظام القديم 72.7%.

آخر أعمال الفنان أحمد أمين

كانت آخر أعمال الفنان أحمد أمين مسلسل النص الذي عُرض في الموسم الرمضاني الماضي، من إخراج حسام علي، وتأليف شريف عبد الفتاح، والمسلسل ضم كلًا من أسماء أبو اليزيد، صدقي صخر، عبد الرحمن محمد، حمزة العيلي، سامية الطرابلسي، دنيا سامي، مراد مكرم، ياسر الطوبجي، وعدد آخر من الفنانين.