حسام حبيب يهنأ تامر حسنى ورامى صبرى بـ"فعلا مبيتنسيش"
رسالة مطولة من حسام حبيب إلى تامر حسني ورامي صبري.. ماذا قال؟
تبادل الفنان والملحن المصري حسام حبيب رسائل التهنئة والود مع الفنان تامر حسني عبر صفحته الشخصية على موقع التواصل "انستغرام"، عقب نجاح الأخير رفقة الفنان رامى صبرى في طرح أغنيتهما الجديدة "فعلا مابيتنسيش"، وهي الدويتو الذى جمع بينهم لأول مرة .
رسالة حسام حبيب إلى تامر حسني
وقال حسام حبيب على صفحته الشخصية :" أنا بكتب الكلمتين دول من قلبى مش عارف هى مباركة ولا شكر ولا درس ولا بداية جديدة لجيل أنا فخور انى أكون جزء منه، اخواتى وأصحابى تامر حسنى ، انت من زمان وأحلامك وأفكارك كانت تخص جيلك كله ، ودايمًا كنت بتتكلم من واحنا صغيرين ، بإسم جيلنا كله وعلشان كدة أنا فهمت يعنى إيه نجم الجيل ، كنت زمان فاهم ان المقصود بيها انك انت الأنجح وده حقيقى فعلًا انت الانجح، وفهمت انهاردة معناها الحقيقى وهى انك انت النجم اللى حلم لجيله بأكمله ولم يحلم لنفسه فقط ،دلوقتى حلمك بيتحقق يا صاحبى".
رسالة حسام حبيب إلى رامي صبري
ووجه حسام حبيب رسالة للفنان رامى صبرى قائلًا:" النجم التانى أخويا وصاحبى ، صاحب أجمد صوت واحساس وكان دايمًا بيقولى انا بحلم وعندى هدف وهو كمان كان مهتم ان احنا كجيل لازم نشارك بعض ونقدم للناس حقيقة روح وفن الجيل ده وكان بكل تواضع بيقول ده لكل فنانين جيله لحد م التقوا النجمين اللى هدفهم صادق وطلعوا لينا ابداع وفن صادق مش بس فى المزيكا لا والله فى الروح والفكر انتم فرحتونى وامتعتونى وخلتونى افتخر انى من الجيل ده ، اللى ان شاء الله عمر فنه وابداعه ما هيخلص شكرا انكم فتحتوا نفسى ورجعتونى احب المزيكا من تانى ، يمكن أكتر من الأول يا جيل جامد وجامد أوى كمان .
واختتم حبيب رسالته قائلًا :" انتم فعلا اللى متتنسوش يا جامدين".
رد تامر حسني على حسام حبيب
ورد تامر حسنى على الفنان حسام حبيب عبر صفحته الشخصية على موقع التواصل الاجتماعى "انستغرام" ، قائلًا :" حبيبى يا حسام إيه الكلام الجميل ده طول عمرك فنان محترم وإنسان نضيف وفنان كبير ، ولو استفزناك بجد يالا ارجع زى الأول واكتر كمان، وارجع متعنا بأغنياتك الراقية الجميلة ، والمزيكا الأجمل ، لأن ليك جمهور كبير بيستنى شغلك ، وأكيد ليهم حق عليك ،يالا يا حس صفحة جديدة من مشوارك ابتدت انهاردة ، واوعدنى قدام الناس انك هترجع تانى".
رد رامي صبري على حسام حبيب
ورد رامى صبرى على حسام حبيب قائلًأ:" شكرًا يا حبيب على كلامك الحلو اللى زيك ".
أغنية "فعلًا مبيتنسيش" ، تم طرحها قبل أسابيع قليلة وتصدرت قائمة الأعمال الفنية الموسيقية حققت3 مليون و200 ألف مشاهدة على منصة اليوتيوب، والأغنية من كلمات الشاعر عمرو تيام وألحان شادى حسن، وتوزيع طارق توكل وجيتار أحمد حسين، أما أغنية "أيام فى بعادنا فاتوا"، فهي من كلمات الشاعر الغنائي تامر حسين، والتوزيع الموسيقي لتميم والحان الملحن أحمد حسين .
