18 عمل قذر.. أحمد فلوكس يكشف تفاصيل مروعة عن تعرضه للسحر على مدار 7 سنوات
كشف الفنان أحمد فلوكس تفاصيل مروعة عن تعرضه للسحر والأعمال على مدار 7 سنوات في مصر والسعودية والمغرب، وفك هذه الأعمال بعد سنوات طويلة من المعاناة.
وكتب أحمد فلوكس عبر حسابه بموقع فيسبوك: “دلوقتي أقدر أتكلم... بعد 7 سنين أعمال اتعملت في المغرب والسعودية ومصر.. وسبق من 3 سنين نزلت فيديو بيقول أن في قائمة بأسماء ناس راحت بيت حاخام يهودي في المغرب وأنا كنت على أوائل القائمة دي والحقيقة القوائم اللي راحت كازابلانكا كتير وحتى الآن بيروح ولكن خلينا نتكلم الأول في دول”.
18 عمل قذر
ونشر أحمد فلوكس صورًا لشكل السحر والأعمال التي تعرض لها، وقال: “الأكياس اللي قدام حضرتكم دي كل كيس فيه عمل من الأعمال اللي اتعملتلي. والأبيض اللي في الكيس ده ملح اتحط عليها طبعا للي فاهم ... 18 عمل قذر باكفنة عظام ميتين وأصلبه وعظام مبشورة ودم نجس وعضو ذكري وطوق حديد في نحاس مطلسم علشان ماتحركش وعظم منشور ومرشوش و و و و .... ومعمول حاجة اسمها اتحاد سحراء ... 18 عمل ... بإيه بقى. سحر تسليط سفلي مخفي من السحر الأسود موكل بوقف حال وخراب ليوم الدين بأبناء إبليس”.
وتابع: “الأعراض ضيق واختناق همدان وتكسير في العظام وقف حال مصلب ليوم الدين بعدم الراحة في أي مكان طمس على الوجه بعدم القبول ونسيان المزكور من عالم الأحياء ويكون من أهل القبور تكتيف الجسد وتسليط بلموت تفرقة ورحيل السحر تنجيم على عظام ميت مطحون ومرشوش في صحراء مهجورة .... طبعا ده غير التخطيط أساسًا اللي اتعمل ليه كل ده و ده مش هاتكلم عنه غير لو فكر اللي عمل كده يكمل في خطته”.
وأكمل أحمد فلوكس: "أولا أحب أشكر الاتحاد ده كله لأن كان سبب إني أشوف ربنا وأقرب منه واعرف أنا إيه وليه كل ده.. ورسالة للكل أتمنى بعد كل اللي ربنا عمله وفشل كل ده أن تتقوا الله بقي و توقفوا... وكفاية قوائم وكراريس وكفاية سحرة وكفاية أذى وعايزكم تشوفوا اللي عمل فيا أسحار المغرب ده هايحصل فيه إيه . لأن محدش أبدًا يجي ناحية بسم الله الرحمن الرحيم ولا الفاتحه ولا يس ولا قل هو الله احد وينجوا وكمان يهودي ده هايشوف أيام سوده يمكن تتعظوا... أخر حاجه هاقولها .... ربنا إذن بالضر و اذن بعديها بالفائدة.. الحاجة الوحيدة اللي ماتغيرتش هما الناس اللي ضرت وأنتم صعبانين عليا أوي لانكم كلكم تحت اسم الضار ..... فتخيلوا بقي المصير ......
واختتم فلوكس حديثه قائلًا: “وللأسف أنا ربنا نجاني ... وده ليه معني واحد ... استعدوا ..وطبعا اللي عملوا الكلام ده هايفهموا اللي هاقولوا دلوقتي بسر بسم الله الرحمن الرحيم وبقوة الفاتحة وقوة آية الكرسي وجنود يس وقوة قل هو الله أحد . العدل العظيم القوي ... لكم من افعالكم ما تسببتم فيه .. الحمد الله”.
