محامي المتهم بواقعة الفردوس يطلب إخلاء سبيل موكله بسبب كبر سنه

طالب محامي المتهم في واقعة مشاجرة الفردوس، بإخلاء سبيل موكله بأي ضمان تراه المحكمة، نظرا لكبر سنه، وذلك خلال جلسة نظر تجديد حبس المتهم بالتعدي على سائق سيارة "فان"، وتحطيم سيارته بعد مشادة كلامية وقعت بين السائق المجني عليه وزوجة المتهم.
ويواجه المتهم في مشاجرة واقعة الفردوس، عدة تهم منها الإتلاف العمدي، والتعدي بالضرب، والبلطجة، فيما أسندت النيابة إلى السائق تهمة السب والقذف بحق زوجة المتهم، التي استبعدتها النيابة من قائمة الاتهام، واعتبرتها مجني عليها في التحقيقات.
كانت النيابة العامة في مدينة 6 أكتوبر، قررت حبس المتهم في ارتكاب واقعة الفردوس 4 أيام على ذمة التحقيق، بعد نشوب مشاجرة بين طرفين بسبب حادث تصادم سيارتين، ملاكي وفان ميكروباص، أسفرت عن حدوث تلفيات بالسيارة الميكروباص، كما أمرت بإخلاء سبيل زوجته.
وينفرد موقع “نيوز روم” بنشر أقوال السائق المعتدي عليه من قبل موظف بالمعاش في كمبوند شهير بأكتوبر.
س: ما هي تفصيلات ما حدث؟
ج: اللى حصل إن أنا شغال على عربيتي "شيفروليه فان" بوصل مدرسة مش فاكر اسمها بس يجيب الأطفال من كذا منطقة و كان آخر منطقة بنسبالي المفروض هروح اجيب منها الأطفال للمدرسة كانت هي الفردوس و روحت فعلا و جبت الأطفال بتوع الفردوس فعلا جزء منهم و جزء كنت لسة بكمله و بعدين و أنا ماشي في شارع في الفردوس عند مدرسة الشهيد إيهاب مرسي كان في تقاطع و أنا كنت ماشي في طريقي عادي عشان مكمل على طول في التقاطع وأول لما طلعت العربية من الشارع لسة بعدي الطريق خلاص لقيت الست اللي هي معايا في المحضر جاية بسرعة و خبطتني بالعربية بتاعتها من و هي جاية على شمالي خيطت العربية عندي من الجنب من قدام.
وأكمل السائق في أقواله: نزلت من العربية و هي نزلت لقيتها قعدت تزعق و شتمتني بس مش فاكر هي قالت ايه بس قولتلها انا مش هتكلم معاكي واقف مستنى نحل لما تشوف حد هيجي ولا ايه لقيتها في راحت مطلعة التليفون بتاعها و عملت مكالمة لقيت جوزها جالی ومعاه اثنين رجالة دول اللي شوفتهم جم بعدين.
وتابع السائق في أقواله: الراجل الكبير جه و قالي إيه اللي حصل قولتله أنا ماشي في طريقي هي جاية بسرعة خبطتني من الجمب من قدام، راح قالي إزاي خبطتك قالي أنت غلطان قلت له أنا غلطان إزاي هي اللي خبطني من الجمب من قدام لما قولتله كده قعد يزعق ويشتم بس مش فاكر بالظبط قالى ايه الالفاظ بعد كدة في نص ما هو بيكلم لقيت واحد من عياله دخل قالي هات الرخص والبطاقة بتاعتك قولتله أنا مش هديك حاجة قولتله أنا هديها للقسم مش هديهالك أنت راح ماسك فيا و ضربني و ابنه الثاني معاه راح ضاربني بردوا من ورا كدة على دماغي.
وتابع السائق أمام النيابة: الراجل الكبير راح جاني على العربية عندي قعد يكسر في الجزاج بالكوريك بتاع عربية و في حد منهم ساعتها قالي أنا هموتك انهاردة ومش هسيبك، لما لقيتهم بيكسروا في العربية وقفت اتفرج وسبتهم مردتش اعملهم حاجة لقيت العربية اتكسرت كلها والفوانيس كلها والاكصدامات كلها وبعدين الناس اتلمت في المكان و أنا ساعتها كنت مصدوم و مش مصدق التي حصل وروحت على قسم ثالث و كان ساعة الموضوع ده لما لقيت العربية بتكسر كدة و انا لوحدي كلمت ابن عمى و واحد بلدياتي ده جه اخدني على القسم وسبت العربية في مكانها واقفة.