إزاي أقدر أثبت على الحجاب؟.. حلا شيحة ترد على أسئلة جمهورها
ردت الفنانة حلا شيحة على أسئلة متابعيها فيما يخص الثبات على ارتداء الحجاب، وتجنب الرغبات والأهواء الشخصية.
ونشرت حلا شيحة فيديو عبر حسابها الرسمي بموقع إنستجرام ردت من خلاله على أسئلة متابعيها، حيث كتبت: “لكل واحدة بعتتلي وسألتني: “إزاي أقدر أثبت على الحجاب؟ إزاي قلبي ما يرجعش يتوه تاني؟” أنا حاسة بيكي”.
وقالت حلا شيحة في الفيديو موجهة نصيحة لجمهورها: “بنروح لربنا ونسجد بين إيديه ونقوله يا رب حببنا فيما تحب، وكرهنا فيما تكره، فيه بنات بتبعت لي تقول لي أنا عاوزة اتحجب بس مش قادرة آخد الخطوة يا حلا، أنا رجل وار ورجل قدام، بقول لك اطمني أنا كنت كده وما زلت وهنفضل في الجهاد ده لحد ما نقابل ربنا”.
وأضافت حلا شيحة: “إحنا بنفكر في المكانة الاجتماعية وحب الظهور وبنقول أصل أنتي لما تتحجبي مش هينفع تخرجي على البحر، وهي دي النفس الزنانة البيبي الصغير، عاوزة تتشاقى وكلنا تندرج تحتها، لكن عاوز تنجح نجاح شاسع زكي نفسك.. إحنا محتاجين نروح لربنا ونسجد بين إيديه ونقوله حببنا فيما تحب وكرهنا فيما تكره”.
حلا شيحة تنفي تصريحات منسوبة لها
على جانب آخر، كانت حلا شيحة أعربت عن استيائها الشديد من تصريحات نُسبت لها، تخص فترة زواجها من الداعية معز مسعود، حيث زعم أنها وصفت فترة زوجها بأسوأ فترة في حياتها.
وأكدت حلا شيحة أن هذه التصريحات عارية تمامًا من الصحة، حيث كتبت عبر ستوري حسابها بموقع إنستجرام: “مش عارفة إيه الكلام ده ومين اللي نشره على لساني، يا ريت اللي يكتب خبر يتحرى الدقة.. أنا ما قلتش الكلام ده نهائي”.
