مصطفى عنبه : مفيش مشاكل بيني وبين حموبيكا وعمري ما جربت المخدرات (فيديو)

أكد المطرب مصطفى عنبه، عدم وجود أي مشاكل بينه وبين مطرب المهرجانات حمو بيكا وتصريحاته بأنه هو الذي تسبب في شهرة بعض المطرب كان المقصود بهم حسن شاكوش وقدروة وعمر كمال، مؤكدا أن شاكوش نجح بشكل أكبر خلال عمله مع حمو بيكا.

السوشيال ميديا

وأضاف مصطفى عنبه، خلال حواره ببرنامج "اسرار"، مع الاعلامية أميرة بدر، أن حموبيكا وحسن شاكوش لم يعودا ناجحين كما بدءا بسبب اهتمامهما بالسوشيال ميديا، قائلا: "هما اهتموا بالسوشيال ميديا ونسيوا المزيكا اللى نجحوا بيها، وكانت الأغنية بتنزل تنجح لكن دلوقتي أصبح النجاح أقل وبطلوا يركزوا في المزيكا وركزوا في افتعال الخنااقات وده مش حلو دلوقتي والمفروض هما واجهة".

ورد مصطفى عنبه على تجربته المخدرات قائلا: "عمري ما جربت المخدرات ومش بحبها واتعرض عليا كل حاجة في الحفلات وربنا جعل جوايا كره للحاجات دي".

وفي وقت سابق أكد الفنان مصطفى عنبه، عدم وجود صراعات له في الوسط الفني لأنه يقدم موسيقى مختلفة وينافس نفسه، قائلا: "معنديش صراعات في الوسط الفني وأنا بعمل مزيكا مختلفة وبنافس نفسي وبغير من نفسي وعايز ابقى أحسن من نفسي".

ولفت مصطفى عنبه، خلال حواره ببرنامج "أسرار"، مع الإعلامية أميرة بدر، المذاع على قناة النهار، إلى أنه لم يقدم حفلات ولا أغاني منذ فترة طويلة ولم يخرج أحد يقدم ما يقدمه، مضيفا: "محدش بيلعب في حتتي وأنا نمبر وان في المنطقة بتاعتي ومنطقتي بين الراب والمهرجانات اسمها تراب شعبي وأكتر اغنية عملتها وصلت لـ100 مليون مع أحمد سعد وعصام صاصا".

علاقة عنبه بـ حسن شاكوك

وأشار مصطفى عنبه، أن حسن شاكوك يكن له الكراهية قائلا: "في ناس بتكرهني زي حسن شاكوش وعمري ما حسيت أنى مضايق منه في عز نجاحه ومش بسلم عليه عشان كل ما أقابل حد يقولي شاكوش بيتكلم عليك وحش وهو مضايق من أغنية مش شايف فيكم حد وفاكر إني أقصده، وأيضا مسلم الناس بتقولي بيكرهك".

مدرسة السياحة والفنادق

كما دخل المطرب مصطفى عنبه، في موجة بكاء بسبب تعرضه لموقف إنساني خلال تقديمه في مدرسة السياحة والفنادق بعد انهاءه المرحلة الاعدادية بسبب موظفة كشف هيئة، قائلا: "رحت مدرسة السياحة والفنادق في النزهة وقابلت موظفة في كشف الهيئة وقالت لي شكلك كويس وقلت لها مش عايز أكون عبء على أهلي في المصاريف".

أزمته في كشف الهيئة

وأشار مصطفى عنبه إلى أن الموظفة أخبرته بضرورة احضاره قميص وبنطلون وحذاء وحدثها عن أنه قادر على شراء قميص وبنطلون لكن لا يستطيع شراء جزمة، وتابع باكيا: "الموظفة قالت لى هشتري ليك الجزمة ونفسي اعوضها عشان وقفت معايا".

موضحا: "مشوفتش الموظفة من اليوم ده وهي مش مدرسة هي موظفة إدارية ونفسي اعرف اسم الست دي ومسألتهاش على اسمها وعمري ما هنسى جميلها عليا ولو اشوفها دلوقتي هبوسها من كل حته وأحب على دماغها وهي وقفت معايا وكانت مسؤولة  كشف الهيئة".