ترك وصيته قبل شهرين من وفاته.. اليوم الذكرى الأولى لرحيل الفنان تامر ضيائي

تحل اليوم الذكرى الأولى لوفاة الفنان تامر ضيائي، حيث رحل عن عالمنا في مثل هذا اليوم عن عمر ناهز 49 عامًا، تاركًا خلفه إرثًا من الأدوار المميزة في عدد من الأعمال التي تركت بصمة في أذهان جمهوره ومحبيه.
وفاة صادمة للفنان تامر ضيائي
رحيل تامر ضيائي أثار جدلًا في الوسط الفني، خاصة أن وفاته جاءت بعد واقعة أحدثت ضجة كبيرة حينها، حيث حدثت مشاجرة بينه وبين فرد أمن داخل المعهد القومي للأورام، أثناء ذهابه مع زوجته لتلقيها العلاج، حيث كان يساند زوجته التي تجلس على كرسي متحرك، وحاول الدخول بها دون الالتزام بالدور المقرر له، وهو الأمر الذي تسبب في حدوث تشابك بالأيدي بينه وبين فرد الأمن، وتسبب في وفاته خلال المشاجرة.
وصية الفنان تامر ضيائي قبل وفاته
ورحل تامر ضيائي بعد شهرين فقط من تركه وصية مؤثرة على صفحته الشخصية بموقع فيسبوك، جاء فيها: “المنشور ده هيفضل ظاهر على صفحتي لحد ما أموت..الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعاً مش هعرف أقولها لحد”.
وكتب: "صلاة الجنازة أهم من العزا، ومش شرط تيجى العزا وبلاش تكلفة في العزاء وبفلوسه تطلعولي صدقة جارية أفضل، ولم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء ادعولى الوقت اللى هتقروا فيه جزء فضوا نفسكم وإقعدوا ادعوا فيه.
وأضاف تامر ضيائي: "بلاش صدقة جارية تقليدية ومش مستفاد بيها يعني المصاحف كتير في مصر أوي، فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.
وتابع: “محدش يقول لحد متعيطش الكلام ده غلط، سيبوهم يعيطوا لحد ما يطلعوا كل الشعور اللي عندهم، ومن فضلكم تكثفوا الدعاء وقت نزول القبر وتتصدقوا بأي حاجة بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا”.
وأكمل: “ياريت كمان بعد ما تدفنونى تقعدوا معايا شوية ومتستعجلوش تمشوا عشان تونسوني في ليلة زي دي، مختتمًا: "عاوز الكل يسامحني على أي حاجة عملتها فيه بقصد لو يدون قصد".
أعمال الفنان تامر ضيائي
وشارك تامر ضيائي في نحو 70 عملًا فنيًا ما بين التلفزيون والسينما، وبدأ مشواره الفني عام 2004، وشارك وشارك في أعمال مثل ملح الأرض، الظاهر بيبرس، حليم، واحد من الناس، أنا مش معاهم، حبيبي نائمًا، الجماعة، الصياد، وش تاني، أبو العروسة، زالزال، النهاية، عملة نادرة، وكانت آخر أعماله مشاركته في مسلسل فراولة الذي عرض في الموسم الرمضاني 2024، من بطولة الفنانة نيللي كريم.