محمد فارس: بيع وسام أبوعلي بلا شروط صارمة سيكلف الأهلي ثمناً باهظاً
وجه الإعلامي الرياضي محمد فارس رسالة هامة إلى مجلس إدارة النادي الأهلي، محذرًا من مغبة التنازل عن الشروط التي يطالب بها النادي في صفقة احتراف اللاعب الفلسطيني وسام أبوعلي.
وقال فارس عبر حسابه الرسمي على "تويتر" إن القضية ليست مجرد بيع لاعب، بل تتعلق بوضع قاعدة واضحة تُحكم بها العلاقات المستقبلية بين النادي واللاعبين. وأوضح أن السماح لأي لاعب بالمغادرة دون تحقيق شروط النادي قد يفتح الباب أمام تحركات مماثلة من لاعبين آخرين، مما يضع الفريق في موقف صعب.
وأضاف أن وسام أبوعلي يسعى لاستغلال نفاد صبر الإدارة وجماهير الأهلي لتحقيق مطالب مالية كبيرة، مشيرًا إلى أن اللاعب لديه عرض رسمي براتب سنوي يصل إلى 4.5 مليون دولار، ويطالب الأهلي بالموافقة على صفقة تتجاوز 6 ملايين دولار، رغم تبقي أكثر من ثلاثة مواسم في عقده مع الفريق.
وتابع فارس موضحًا أن النادي ليس ملزمًا بتعويض الفارق في راتب اللاعب، معتبرًا أن قيمة العقود تمثل ضامنًا للتوازن بين حقوق النادي واللاعب. وأكد أن الأهلي يجب أن يصر على شروطه سواء قرر وسام الرحيل أو الاستمرار ضمن صفوف الفريق.
واختتم الإعلامي تحذيره بأن تخفيف موقف الأهلي سيجعل الفريق يدفع ثمنًا باهظًا قد يظهر في سلوكيات اللاعبين الآخرين، معربًا عن أمله في أن يتعامل النادي بحكمة للحفاظ على استقراره وقوته.
الفرق بين موقف وسام وسوزا وبن رمضان
وأشار إلى أن: "عايز ادي مثال بجوستافو سوزا لما رحنا نفاوض تشونبوك هيونداي الكوري مع إن اللاعب كان باقي موسم واحد في عقده الا انه حط Target price سعر مستهدف لو الأهلي مدفعهوش مش هيبيع وفعلا لما رفضنا ندفع النادي رفض يبيع سوزا . نفس الوضع بن رمضان نادي فرينكاروزي حط Target Price لما رفضنا ندفعه رفض يبيع ولما فب الانتقالات اللي بعدها وافقنا وافق هو كمان على بيع اللاعب .الأندية دي كلها محسبتهاش وفقا لرغبة اللاعب لإن اللاعب أغلب الوقت مصالحه هتتعارض مع مصالح النادي انما تحركت وفقا لمصالحها هي وأهدافها هي"
وتابع: "الأهلي طبيعي يتمسك بال Target Price اللي عايزه أو يتحرك في حدوده بشكل بسيط. هتقولي طيب لو وسام قعد بالعافية وتمرد هتستفيد منه ! . هقولك اللاعب في لوائح وغرامات وعقوبات بتحكمه وهو أصلا مصلحته يعمل موسم جي قوي عشان يحافظ على العروض بنهاية الموسم ولو خسر الراتب الأكبر يخسره لموسم واحد مش ل ٤ مواسم لسه في عقده معاك. وأنا بقولك وسام بيعمل كل ده دلوقتي عشان يستغل فترة الإنتقالات إنما على المدى البعيد مش هيستمر في سلوك يخسره غرامات وفلوس ويخسره اي عروض تانية ويفضل ٤ سنين معاك براتب ضعيف لان وسام واضح خالص ان الهدف بتاعه الفلوس".
"مع وسام أنا لا واخد الموضوع بصدمة ولا إنفعال لإن وسام مش معلول مش لاعب ضحى بعرض من اندرلخت عشان يجيلك ولا لاعب له ذكريات لسنين معاك لا وسام لاعب بالنسباله الفرق محطات لتحقيق مكاسب مادية. فأنت كمان تعامل معاه على الأساس ده حط Target price مناسب لقيمته زي ما الأندية الأوروبية بتعمل معانا لما بنروح نشتري لاعب ال Target price ده جه بيعه . لو لا يبقى احتفظ بيه لان عقده ممتد لو ملتزمش طبق عليه لوائح الفريق وهو اللي هيخسر فلوس اللي هي اصلا هدف بالنسباله".
واختتم "المهم انك متخرجش من القصة محقق أهداف اللاعب على حساب أهدافك لإن دي ضررها أكبر من قصة وسام نفسه لإن لو كل لاعب عقده ممتد معاك تعاملنا مع عروض بيعه بالأرقام والشروط اللي تناسبه هو وصغط لتحقيقها علشان يمشي يبقى كل العقود اللي في النادي مع اللاعبين اصبحت بلا قيمة".
