خالد سليم عن زوجته: «بميت راجل.. ووقفتها جنبي عمرها ما تغيّرت»

في لفتة رومانسية غير متوقعة، كشف الفنان خالد سليم عن مفاجأته لزوجته خلال تواجدها في رحلة إلى اليونان، وذلك بعد إلغاء رحلة عمل كان من المقرر أن يسافر فيها إلى لندن. وقال سليم خلال استضافته في برنامج "صاحبة السعادة" الذي تقدمه الإعلامية إسعاد يونس عبر قناة DMC:" مراتي كانت في اليونان مع صحابها، وأنا كنت في السعودية بشتغل، وكان المفروض بعدها أسافر لندن... الرحلة اتأجلت، فقلت ليه لأ؟ قررت أفاجئها وأسافر، وفعلاً روحتلها من غير ما تعرف، وقضينا وقت حلو جدًا سوا."

"مش دايمًا بنعرف نكون لوحدنا"

وأشار خالد إلى أن ضغوط الحياة والعمل اليومي كثيرًا ما تحول دون قضاء وقت خاص بين الزوجين، حتى وإن كانا يعيشان تحت سقف واحد، مضيفًا:" بسبب ظروف الحياة والشغل، مش دايمًا بنعرف نكون لوحدنا. حتى وإحنا في نفس البيت، بيبقى فيه دايمًا مسؤوليات وضغط... الرحلة دي كانت مختلفة... كأنها رجعتنا لأول أيامنا."

وحول طبيعة العلاقة بينه وبين زوجته، أوضح سليم أن كليهما يولي اهتمامًا كبيرًا للتفاصيل الصغيرة التي تمنح الحياة طابعًا خاصًا، وقال:" هي بتحب التفاصيل وأنا كمان، بنحب نهتم ببعض... ومهما الوقت عدّى، بحاول دايمًا أفتكر الحاجات اللي بتحبها، سواء في الكلام أو التصرفات. هي رومانسية، وأنا كمان، حتى لو أوقات بننسى وسط الزحمة."

"لسه الغيرة زي الأول"

من ناحيتها، قالت زوجته خيرية هشام في نفس الحلقة: "لسه الغيرة موجودة، ولسه زي ما هو من أول يوم بيغير عليا وبيهتم بيا في كل حاجة... وكمان لما جه اليونان، استقبلته في المطار، واتكلمنا عن كل حاجة مرينا بيها، وعن اللي جاي... كانت لحظة صعب أنساها."

"اكتشفت إنها بمية راجل"

وأكد خالد سليم: "مع الوقت اكتشفت إنها بميت راجل... جدعة وبتسندني في كل حاجة، حتى في مواقف خاصة مع صحابي ودي حاجات بتبان على المدى الطويل... لما تلاقي حد دايمًا ضهرك، وواقف جنبك، ده إحساس مش أي حد يعيشه."

"اللي بينا أكبر من الروتين"

أوضح خالد إن اللي بينه وبين مراته أكبر من الروتين أو الانشغال، وقال: "مهما كانت الحياة سريعة، الحب الحقيقي بيبان في اللحظات اللي زي دي... مفاجأة بسيطة ممكن تغير النفسية وتفتح باب جديد بين اتنين."

وفي وقت سابق ،شارك الفنان والسوبر ستار خالد سليم، في مهرجان نيش بدورته السابعة على التوالي، وتحدث في حوار خاص لموقع “نيوز رووم” عن سعادته بالتكريم.

قائلاً مبسوط جداً جداً بالتكريم، فهو تقدير لكل فنان ومتميز في أي مجال، وسعيد بتفاعل الجمهور".