عنبه يكشف سبب تشجيعه الزمالك .. ويسرد معاناته في الدراسة

أشارالفنان “عنبه” خلال حديثه مع الإعلامية “أميرة بدر” في برنامج “أسرار” عبر قناة “النهار”، عن سبب تشجيعه لنادي الزمالك: “ كنت في اختبارات الأهلي أخذوا مكاني واحد عشان أهله، وبقيت زملكاوي وقلت الكرة تبقى في حياتي هواية مش حلم، وحبيت الزمالك عشان حسيت قصته شبهي وهو بيعاني وعليه هجوم دائم، رغم أنه مسالم” .

وتابع :" مش بحاول أنجح في حاجة فيها واسطة، وأغلب لاعبين الكرة الموهوبة  بيلعبوا في الشارع أكتر من الأندية".

التعليم فى حياته

وأكمل :" جبت في الشهادة الإعدادية 96% ومرضتش أدخل ثانوية عامة علشان كنت هتعب في الثانوية العامة، وأهلي هيتبهدلوا معايا مصاريف فيها، وفي الآخر دخلت سياحة وفنادق".

وعن رحلته في التعليم، أوضح :" رحت مدرسة السياحة والفنادق في النزهة، وقابلت موظفة في كشف الهيئة، وقالت لي شكلك كويس، وقلت لها مش عايز أكون عبء على أهلي في المصاريف".

وأضاف :" كنت أفكر في مستقبلي، وكان في كابوس اسمه الثانوية العامة، وكنت شاطر جدًا، ووالدتي كانت بتذاكر لي وعمري ما أخدت درس".

وأوضح:" شفت الكابوس، وكنت عارف ظروفي وظروف أهلي، وبررت لأمي سلبيات الثانوية العامة وكنت قنوع مش عايز أبهدل أهلي".

وأكمل :" الموظفة أخبرته بضرورة إحضاره قميص وبنطلون وحذاء، وأخبرها أنه قادرعلى شراء قميص وبنطلون، لكن لا يستطيع شراء جزمة، الموظفة قالت لي هشتري ليك الجزمة، ونفسي أعوضها عشان وقفت معايا".

واضاف : مشوفتش الموظفة دي من يومها وهي مش مدرسة، هي موظفة إدارية، ونفسي أعرف إسم الست دي، ومسألتهاش على إسمها، وعمري ما هنسى رد فعلها دا، ولو أشوفها دلوقتي هحب على دماغها عشان اللي عملته معايا".

وتابع: “رحت أقدم في مدرسة الصنايع وطردوني من المدرسة، بسبب مجموعي الكبير وقلت هدخل أي حاجة غير الثانوية العامة، وبعدين دخلت مدرسة سياحة وفنادق في النزهة وكانت مدرسة حكومي”.