بعد حصوله على 96%.. كابوس الثانوية العامة يحرم عنبه من التعليم العالي| فيديو
قال المطرب مصطفى عنبه، إنه كان متفوق خلال فترة دراسته وحصل على 96% في الشهادة الاعدادية لكنه رفض دخول الثانوية العامة، قائلا: "كنت بفكر في مستقبلي وكان في كابوس اسمه الثانوية العامة وكنت شاطر جدا ووالدتي كانت بتذاكر لي وعمري ما أخذت درس".
كابوس الثانوية العامة
وأوضح مصطفى عنبه، خلال حواره ببرنامج "أسرار"، مع الاعلامية أميرة بدر، المذاع على قناة النهار، أن مجموعه كان كافي ليدخل الثانوية العامة بشكل مريح لكنه كان يرى كابوس الثانوية العامة، مضيفا: "شفت الكابوس وكنت عارف ظروفي وظروف أهلي وبررت لأمي سلبيات الثانوية العامة وكنت قنوع مش عايز ابهدل أهلي".
واستكمل: "رحت اقدم في مدرسة الصنايع وطردوني من المدرسة بسبب مجموعي الكبير وقلت هدخل أي حاجة غير الثانوية العامة وبعدين دخلت مدرسة سياحة وفنادق في النزهة وكانت مدرسة حكومي".
سر تسميته بلقب عنبه
وكشف المطرب مصطفى عنبه عن سر تسميته بلقب “عنبة”، مشيرا إلى أن الأمر بدأ أثناء لعب كرة القدم في الشارع، موضحا: “الحكاية بدأت إن كنت بلعب كورة وحاطط عنب في جيبي، والكلمة اتقالت ليا كنوع من الإهانة، لحد ما حد قالي وأنا باكل في اللعب ما خلاص بقا يا عم عنبه”.
اختبارات النادي الأهلي
مؤكدا على أنه قدم في اختبارات النادي الأهلي في طفولته لتميزه في لعب الكرة ومر من اختبارين ورسب في الثالث بسبب الواسطة، وعقب ساخرا: "أخذوا مكاني واحد عشان أهله وبقيت زملكاوي وقلت الكرة تبقى في حياتي هواية مش حلم، وحبيت الزمالك عشان حسيت قصته شبهي وهو بيعاني وعليه هجوم ودائما بيحاول".
لاعبين الشارع مواهب أكتر من الأندية
وأوضح مصطفى عنبه، خلال حواره ببرنامج "أسرار"، مع الاعلامية أميرة بدر، المذاع على قناة النهار، أنه سار في مشوار آخر بعيد عن كرة القدم وقرر أن لا يسير في مجال يكون فيه واسطة، مضيفا: "محولتش أنى انجح في حاجة فيها واسطة وأغلب لاعبين الكرة اللي بيلعبوا في الشارع هيلاقوا مواهب اكتر من الاندية".
القناعة والرضا
وأشار مصطفى عنبة، إلى أنه من أسرة فقيرة لكن أهله ربوه على القناعة والرضا، متابعا: " تربيت على الشبع ووالدي قصة نفسي اقابلها في حياتي وهو وأمي صابرين طول حياتهم عشان عيالهم".
