ملك زاهر.. توجه رسالة لـ محمد سامي بعد تألقها في «سيد الناس»
وجهت الفنانة ملك أحمد زاهر ، رسالة للمخرج محمد سامي لـ دعمها في مسلسل سيد الناس ، ونشرت ليلى صورة لها مع طاقم عمل مسلسل “ سيد الناس ” عبر حسابها بموقع انستجرام .
وكتبت ملك احمد زاهر، بوست في حب و تقدير الاستاذ محمد سامي، “شكرًا أُستاذ محمد على الفرصة اللي ادتهالي، والدور اللي أنا سعيدة وفرحانة من قلبي إني بعمله، و شكرًا عشان من غيرك مكنتش حبيت الشخصية كده وعشت جواها ومعاها وفي وقت قليل جدًا بقيت "ميادة"،
وتابعت “ شكرًا يا أُستاذ عشان مش بتسيب ولا حد فينا من الكبير للصغير وشكرًا عشان انت بتخاف علي ممثلينك وبتغير عليهم أكتر منهم هما شخصيًا، وعمرك ما بتعدي ولاحتى لو غلطة صغيرة عشان انت اكتر حاجة بتهمك هي الممثل بكل تفاصيله وعشان كده محدش غيرك بيعرف يجمع كمية النجوم اللي كل واحد فيهم يشيل عمل لوحده في عمل واحد لأن كل ممثل عنده ثقة غير محدودة فيك و فإنك هاتطلعه بأحسن شكل”.
وأشارت ملك زاهر، “ أنا متوقعتش عمري رد الفعل ده علي الدور دلوقتي خصوصًا إن الشخصية لسه هتشد أكتر قدام بس حقيقي اللي يطلع في مشهد في مسلسل لمحمد سامي بيتشاف و بيتميز بنفس القدر اللي ممكن ياخده بعد ٣٠ حلقة من اي عمل تاني مش بس مشهد واحد” .
واختتمت “ حقيقي أنا فخورة إني جزء من عمل مهم زي سيد الناس، و فخورة إني كنت اختيارك و يارب اكون كنت قد الفرصه، شكرًا عشان ادتني الفرصة اكون ضمن مدرسة محمد سامي، وشكرًا عشان إنت ابويا التاني يا سمسم بحبك”.
قصة مسلسل سيد الناس
مسلسل سيد الناس تدور أحداثه حول شخصية الجارحي أبو العباس، يلعب دوره عمرو سعد، وهو شاب من منطقة السبتية في القاهرة، يُلقب بـ"سيد الناس" يدخل السجن بدلاً من والده، ويخرج ليجد كل عائلته مترقبة لوفاة والده من أجل توزيع الميراث، وفي الوقت نفسه يحاول الكشف عن السر الذي أخفاه عنه والده طوال 20 سنة، مما يجعله يبحث عن الحقيقة وسط نزاعات كبيرة، كما يحمل على عاتقه إرثاً ثقيلاً يسعى للحفاظ عليه.
أبطال مسلسل سيد الناس
مسلسل سيد الناس بطولة عمرو سعد، إلهام شاهين، أحمد زاهر، أحمد رزق، ريم مصطفى، خالد الصاوي، إنجي المقدم، أحمد رزق، نشوى مصطفى، منة فضالي، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جورى بكر، إنجي كيوان، ساندي علي، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامى، ومن إنتاج شركة سيدرز آرت برودكشن (صباح إخوان).
