أسوأ مرحلة إدارية في تاريخ الأهلي .. غضب الجمهور يتصاعد في مواجهة مجلس "الخطيب"
أثار قرار مجلس إدارة النادي الأهلي بالانسحاب من مباراة القمة جدلًا واسعًا في الأوساط الرياضية المصرية وبينما دافع الكثيرون عن القرار باعتباره موقفًا مبدئيًا يتماشى مع رؤية النادي، لم يلقَ هذا الموقف إجماعًا داخل المنظومة الإعلامية المرتبطة بالنادي. فقد وجه بعض النقاد والصحفيين والإعلاميين المنتمين للنادي الأهلي انتقادات لاذعة لهذا القرار، معتبرين أنه قد يضر بمكانة الفريق ويؤثر على صورته التنافسية.
في هذا التقرير، نسلط الضوء على أبرز هذه الانتقادات، ونتناول الحجج التي استند إليها المعارضون، بالإضافة إلى تحليل تداعيات القرار على النادي من الناحية الفنية والإدارية والجماهيرية.
محمد فاروق: “لو الأهلي انسحب يبقى على الكورة السلامة”
كتب محمد فاروق نجم النادي الأهلي السابق عبر صفحته الشخصية بموقع التواصل الإجتماعي فيسبوك: “علي الجميع في المنظومة الكروية ان يتحمل مسؤوليته .. لو الاهلي انسحب من الدوري قول علي الكورة في مصر مع السلامة خلاص ومش راجعة تاني”.
وتابع فاروق: “سقطة إدارية تاريخية!!! لقب الدوري يقترب من بيراميدز”.
وتسائل نجم الأهلي السابق: “السؤال الاهم الآن هل ينفذ مجلس إدارة الاهلي قرار الانسحاب من الدوري ؟”.
فيما رأى الدكتور وليد الفيل أحد كبار مشجعي النادي الأهلي أن انسحاب الأهلي يعطي البطولة للخصوم ويمثل خسارة كبيرة لتاريخ الأهلي.
ووجه الفيل رسالة إلى أعضاء مجلس ادارة الأهلى قال فيها :" فى الادارة مبدأ مهم بيقول ان توقيت القرار ممكن يكون أهم من القرار نفسه وبالتأكيد ان قرار عدم استكمال الدورى رغم انه قرار سليم لكن للأسف فى توقيت خاطىء كعادة معظم قرارتكم .. القرار متأخر ومش 3 أيام زى الناس مابتقول ده اتأخر سنين والتهديد اللى جه فى بيان النهاردة جه بالنص فى بيانات سابقة خلال السنين اللى فاتت وللأسف كل مرة كنتم بتتراجعوا وبتكملوا زى ماغالبا حاتتراجعوا المرة دى برضه وحاتستكملوا الدورى وأنا وحضراتكم عارفين ليه وساعتها بس حاتحسوا بحجم الخطأ اللى وقعتوا فيه بقرار غير مدروس ومن غير النظر لعواقبه".
وتابع الفيل في رسالته المنشورة عبر حسابه على فيس بوك :" وخلينى اوجه لكم شوية أسئلة الاجابة عليها ستوضح نتائج وتبعات هذا القرار.. ايه الفايدة اللى حضراتكم حققتوها النهاردة غير اللقطة؟ .. حضرتك اديت قبلة الحياة النهاردة للزمالك اللى حاياخد منك 3 نقط على طبق من دهب ولسة حايتخصم لك 3 نقط فى نهاية الموسم يعنى الفرق بينك وبينه حايبقى نقطة وبالتالى رجعته للمنافسة طبعا ده غير انك وسعت الفرق بينك وبين بيراميدز .. مع زيادة احتمالات خسارة الدورى بعد موقف النهاردة ولو لاقدر الله ماكسبتش أفريقيا السنة دى ياترى حضراتكم عارفين ان مفيش دورى أبطال السنة الجاية؟؟؟ وبالتبعية طبعا مفيش كأس عالم".
وأضاف الفيل في مجمل تساؤلاته :"ازاى حضرتك تضيع فرصة انتصار تاريخى وانت فى أفضل حالاتك أمام منافس جاى لك منهك بدنيا لأنه لاعب 120 دقيقة من 3 أيام وصفوفه ناقصة وعانى مرتين أمام متذيل الدورى ده غير الاهتزاز النفسى اللى بيكون عنده على الأقل فى أول نص ساعة من الماتش .. فرقتوا ايه حضراتكم عن أبطال واقعة الأتوبيس الشهيرة؟! او عن اللى عمله الزمالك السنة اللى فاتت وندم عليه مش شايفين ان الأهلى أكبر من انه ينسحب ؟! .. ياترى حاتتصرف ازاى مع الرعاة اللى بالتأكيد حايطالبوا بتعويضات أو على الأقل حايخصموا جزء من المبالغ اللى مفروض يسددوها يعنى كمان فيه خسائر مادية".
وتابع :" من امتى الأهلى بيفرق معاه موضوع الحكام ؟ اللى بيكسب فى الملعب بيفرض ارادته على الكل مهما كان الحكم متعنت ومترصد ولو لعبت النهاردة وكسبت كنت انت اللى حاتضغط على الزمالك وبيراميدز ، دى غير ان الماتش أصلا بتاع الزمالك يعنى هو اللى من حقه يصر على حكام أجانب .. ياترى حضراتكم مش شايفين انكم بالقرار ده اديتوا فرصة للمترصدين بالنادى لتوقيع عقوبات عليه ؟ وماحدش حايقدر يفتح بقه لأن نفس العقوبات دى اتطبقت بحذافيرها على الزمالك السنة اللى فاتت .. لما حضرتك عايز تاخد قرار زى ده او تلوح بيه وليه ماخدتوش لما القرعة اتعملت الفجر؟ كان لازم تعترض فى اللحظة دى على القرعة نفسها اللى ماحضرهاش حد وقبل ماتعترض على التحكيم ، على الأقل تكون سبت فرصة لاتحاد الكرة يتصرف وحطيته قدام مسئولياته".
واختتم الفيل تعليقه المنشور بقوله :" ياترى ذنب الجمهور اللى سايبين بيوتهم من الصبح وأغلبهم جاى من سفر وفطروا فى الشوارع ذنبهم ايه انك ترجعهم محبطين؟ ، ياترى حضراتكم مش عاملين حساب ايه ان ممكن يحصل احتكاك بين الجمهورين فى الاستاد يؤدى الى مالا يحمد عقباه فى وقت الدولة لاتحتمل فيه أى أزمات؟ من الأخر اللى حصل غلط وتمنه حايكون غالى والمستفيد الوحيد منه هو بيراميدز والزمالك خصوصا لو استكملتم الدورى واللى هوغالبا حايحصل، لكن عموما أهى سابقة جديدة فى تاريخ الأهلى، اللى شاف فى عهدكم سوابق كتير غريبة ومغايرة لكل ثوابت الأهلى شرعيتكم سقطت فى اللحظة اللى صفر فيها الحكم، انتم غيرتوا ثقافة الأهلى اللى عمر ماورد فيها مصطلح الانسحاب وخليتوه (مسخ) .. لكن حانقول ايه أهو تصرف عشوائى يليق بـ (أسوأ مرحلة ادارية) فى تاريخ اللأهلى".
انسحاب الأهلي من لقاء القمة:
وفاز الزمالك اعتباريًا على الأهلي بنتيجة 3-0 جراء انسحاب الأخير من القمة رقم 130، والتي كان من المقرر إقامتها في تمام التاسعة والنصف مساء أمس الثلاثاء على استاد القاهرة الدولي.
على الجانب الآخر، أعلن أحمد حسام ميدو، عضو لجنة التخطيط بنادي الزمالك، من خلال حسابه الرسمي على منصة "إكس"، التزام ناديه بمكان وموعد مباراة القمة على استاد القاهرة، وتواجد الفريق في الملعب بالموعد المحدد، مشددًا على أن فريقه ليس طرفًا في الأزمة.
وبالعودة لتاريخ مواجهات قمة الأهلي والزمالك بـ صافرة مصرية، التقى الغريمين في 9 مباريات سابقة، جاءت نتائجها في صالح المارد الأحمر بـ6 انتصارات مقابل انتصارين فقط للفارس الأبيض، ومباراة واحدة انتهت بالتعادل الإيجابي 1-1.
في نفس السياق، عقد الكولومي أوسكار رويز، رئيس لجنة الحكام باتحاد الكرة، اجتماعًا مع طاقم التحكيم المصري المكلف بإدارة مباراة القمة 130 بين الغريمين الأهلي والزمالك، والتى كان مقررا إنطلاقها مساء أمس، ضمن الجولة الأولى من مجموعة حسم بطل الدوري الممتاز في الموسم الجاري 2024-2025.
ومن المقرر، أن يتوقف الدوري المصري الممتاز لمدة تصل إلى حوالي شهر، نظرًا لإرتباطات المنتخب الوطني في الجولتين الخامسة والسادسة من تصفيات كأس العالم حيث سيواجه الفراعنة خلال فترة التوقف الدولي كلًا من: أثيوبيا وسيراليون يومي 21 و25 مارس الجاري.
الزمالك يحرر محضر
حرر المستشار القانونى لنادي الزمالك، محضر إثبات حالة فى قسم شرطة مدينة نصر، ذكر فيه أن الفريق الأول توجه إلى استاد القاهرة الدولى لخوض اللقاء الذي كان مقررا مساء الثلاثاء، أمام النادى الأهلى، وفقا للموعد المحدد من رابطة الأندية واتحاد الكرة.
وقال ممثل نادى الزمالك، فى المحضر الذى حمل رقم 997 لسنة 2025 إداري مدينة نصر، إن الفريق الأول حضر إلى ملعب المباراة باستاد القاهرة في الموعد المحدد، ونزل لأرض الملعب وكذلك طاقم التحكيم إلا أن الفريق المنافس لم يحضر حتى مرور الوقت المحدد وفقا للمادة 17 من لائحة المسابقات، وبالتالي يعتبر الزمالك فائزًا بالمباراة ويحصل على 3 نقاط تضاف إلى رصيده.
