رامي صبري يُحيي الذكرى الرابعة لوفاة شقيقه بـ «حالة اكتئاب»

حرص الفنان رامي صبري على إحياء الذكرى الرابعة لوفاة شقيقه الراحل كريم صبري، الذي توفي في مثل هذا اليوم، من خلال لمسة إنسانية مؤثرة عبر مواقع التواصل الاجتماعي، أعاد فيها نشر مقطع من أغنيتهما المشتركة "حالة اكتئاب"، التي تم إصدارها بعد رحيل شقيقه، كنوع من التكريم والتعبير عن الألم العاطفي الذي لا يزال يرافقه.

ونشر رامي صبري عبر صفحته الرسمية على موقع "فيسبوك" مقطعًا من الأغنية، وعلق بكلمات مؤثرة قال فيها:
"كريم أخويا لما مات زي النهارده، غنيت معاه الأغنية دي لأني كنت بحبها، وهو كان عايش وبيسمعهالي."

وأضاف:" نص حياتي مات معاه، أو أكتر.. وكانت صدمة كبيرة أوي بالنسبالي.. ربنا يكرمك بالجنة زي قلبك الطيب يا بني."

ألبوم رامي صبري

رامي صبرى يتعاون في ألبومه الجديد مع فريق عمل يضم أسماء جديدة للشعراء والملحنين، حيث وضع اللمسات الأخيرة للالبوم وسيطرحه فور الانتهاء من كافة التفاصيل.
رامى صبرى قدم مؤخراً أغنية "الحب عيبنا" ضمن أحداث مسلسل وتقابل حبيب للنجمة ياسمين عبد العزيز، والذى تم عرضه فى شهر رمضان الماضى 2025، والأغنية من كلمات النجم كريم فهمى أحد أبطال المسلسل وألحان الأغنية بتوقيع عمرو الشاذلى، وحصدت الأغنية إشادات جماهيرية كبيرة وانتشرت بشكل كبير على منصات التواصل الاجتماعى.

كلمات أغنية أنا بحبك أنت

وتعد أغنية أنا بحبك أنت من كلمات أمير طعيمة، ألحان رامي صبري، توزيع أسامة الهندي، وجاءت كلماتها على النحو التالي: “أنا بحبك أنت أنا مليش غير انت .. أنا بحس بيك أنا بشوف عينيك هنا في كل حته .. أنا بحبك انت انا مليش غير انت .. حبيبي جيت منين والاقي بس فين حبيبي زيك انت .. بلاش تمشي لسه عايز نص فرصة .. وسيب اللي بينا حبيبي ياخدنا من الأيام .. حبيبي لسه بدري بلاش مني تجري .. ماهو اليوم ده يومنا ولسه حبيبي أنا عندي كلام .. أنا بحبك انت انا مليش غير انت .. حبيبي جيت منين والاقي بس فين حبيبي زيك انت .. حبيبي لسه لسه ليالي جاية لسه .. حبيبي كنت فين حبيبي من سنين .. حياتي ناقصة حته بلاش تمشي لسه عايز نص فرصة .. وسيب اللي بينا حبيبي ياخدنا من الأيام .. حبيبي لسه بدري بلاش مني تجري .. ماهو اليوم ده يومنا ولسه حبيبي أنا عندي كلام .. أنا بحبك أنت أنا مليش غير انت .. حبيبي جيت منين والاقي بس فين حبيبي زيك انت .. أنا محدش شدني بالشكل دا من زمان .. حبيبي لما لمحت عينيك وأنا تايه في المكان .. أنا يا دوبك هي ثواني اتعلقت بهواك .. حبيبي ده اللي حصلي معاك .. بلاش تمشي لسه عايز نص فرصة .. وسيب اللي بينا حبيبي ياخدنا من الأيام .. حبيبي لسه بدري بلاش مني تجري .. ماهو اليوم ده يومنا ولسه حبيبي أنا عندي كلام”.