بعد نجاة نور من حريق سنترال رمسيس.. ووالدته: «ابني بطل مثل أبيه»
سردت السيدة سحر السيد أحمد، والدة البطل نور وأرملة الشهيد العميد امتياز كامل، تفاصيل اللحظات الصعبة التي عاشتها عقب اندلاع حريق سنترال رمسيس، مؤكدة أن ابنها خرج من قلب النيران كالسوبر ستار، لكن بملامح بطل أنهكه الواجب.
وقالت والدة البطل نور، في مداخلة مؤثرة عبر برنامج "الستات" على قناة النهار، وهي تخاطب الإعلامية مفيدة شيحة: "مصر كلها دعت له، وأنا كنت بدعي له هو وزمايله طول الوقت، كنت خايفة جدًا عليه، لكن الحمد لله رجع لي بالسلامة، وسمعت صوته بعد ساعات طويلة من القلق والتوتر".
بعد النجاة من الموت
تحدثت والدة البطل نور عن أول لحظة سمعت فيها صوت ابنها بعد الحريق قائلة: "قلت له يا حبيبي يا بطل، عامل إيه؟ فرد وقال لي أنا كويس يا ماما، رغم أنه كان مرهق ومتعَب". وأكدت أن نور عانى من الإرهاق الشديد ولم يكن مدركًا حجم ما حدث على مواقع التواصل الاجتماعي أو ردود الفعل الواسعة على بطولته.
وأضافت والدة البطل نور: "أول حاجة عملها لما رجع، أخد شاور ونام نوم عميق.. كان مرهق جدًا وراسه مشغولة باللي حصل".
مكالمة السيدة انتصار السيسي
وأشارت والدة البطل نور إلى أن السيدة الأولى انتصار السيسي أجرت معها اتصالاً هاتفيًا أعربت فيه عن فخرها الكبير بالبطل نور وزملائه من رجال الحماية المدنية، قائلة: "أول حاجة قالتها لي: الحمد لله على سلامة البطل.. إحنا فخورين بيه وبندعيله من قلوبنا".
وتابعت والدة البطل نور: "نور كان جنبي وقت المكالمة، واتكلم معاها، وقالت له بنفسها إنها فخورة بيه وإنه نموذج مشرف لشباب مصر".
نموذج مشرف من البطولة
كشفت والدة البطل نور أن ابنها كان يحلم منذ صغره بالالتحاق بالشرطة، مضيفة: "أنا كنت بقوله فكر في شغلانة تانية عشان تعب الشغل مش خوف عليه، لكن ده كان حلمه وحلم والده كمان".
وأكدت والدة البطل نور أن نور اختار التخصص في الحماية المدنية لأنه يؤمن بأهمية دوره في حماية الأرواح، وقالت: "مش أي حد يقدر يواجه النار بالشكل ده.. لازم يكون عنده قلب أسد، وإحساس عالي بالمسؤولية".
ونقلت والدة البطل نور عن ابنها قوله: "يا ماما، لو كل واحد قال مش هدخل ومش هشتغل، مين هيشيل البلد؟"، معتبرة أن هذه الكلمات تلخص مدى إحساسه بالواجب والانتماء للوطن.
بطولات لا تُنسى
اختتمت مفيدة شيحة المداخلة بتوجيه تحية خاصة والدة البطل نور، ولكل أم مصرية ربت بطلًا حقيقيًا، قائلة: "نور نموذج عظيم لشباب مصر.. قدوة وفخر لأمه ولوطنه، وربنا يحميه من كل شر".
وأضافت والدة البطل نور: "هذه النماذج الملهمة بتأكد لنا إن لسه مصر بخير، وإن في شباب بيضحوا بروحهم علشان بلدهم.. كل الشكر والدعاء لنور، ولكل الأبطال اللي زيه".
