طريقة عمل الثومية الأصلية زي المطاعم السورية بكل سهولة في البيت

طريقة عمل الثومية الأصلية زي المطاعم السورية هي واحدة من أشهر وصفات المقبلات اللي بقت أساسية على سفرتنا، خصوصًا مع انتشار الشاورما والوجبات السريعة ، وبتتميز الثومية بطعمها القوي واللاذع اللي بيعشقه الكبار والصغار، وكمان فوائدها الصحية الكتير بسبب مكوناتها الطبيعية، خصوصًا الثوم والزبادي ، والميزة الأهم إنك تقدر تعمليها في البيت بمكونات بسيطة وخطوات سهلة وسريعة.
طريقة عمل الثومية الأصلية زي المطاعم السورية، طريقة عمل الثومية، الثومية مع الشاورما، وصفة الثومية، طريقة تحضير الثومية في البييت

مكونات طريقة عمل الثومية الأصلية زي المطاعم السورية

علبة زبادي

5 فصوص ثوم

عصير 2 ليمونة

رشة ملح

ملعقة كبيرة نشا

كوب ماء

ملعقتين مايونيز (اختياري)

خطوات طريقة عمل الثومية في البيت

1. في وعاء صغير، ذوّبي ملعقة النشا في كوب الماء على نار هادئة، وقلّبي باستمرار لحد ما الخليط يتقل ويبدأ في الغليان. بعد كده شيليه من على النار وسيبيه يبرد تمامًا.

2. ضيفي خليط النشا البارد في الخلاط مع الزبادي، الثوم المهروس، الملح، وعصير الليمون، واضربي المكونات كويس جدًا لحد ما يبقى الخليط ناعم ومتجانس.
3. لو بتحبي القوام الكريمي والطعم الغني، ممكن تضيفي ملعقتين مايونيز وتخلطيهم مع باقي المكونات، وده هيخلي الطعم زي المطاعم تمامًا.

تقديم الثومية مع الأكلات المختلفة

طريقة عمل الثومية الأصلية زي المطاعم السورية بتخليها طبق جانبي مثالي مع الشاورما السوري، الدجاج المشوي، الكباب، الكفتة، وحتى مع البطاطس المقلية أو التكا. الناس بتحبها كمان كصوص جانبي مع السندوتشات أو كمقبلات في العزومات.

كمان الثومية مفيدة جدًا، لأن الثوم بيساعد على تقوية المناعة ومكافحة الالتهابات، والزبادي بيحسّن من الهضم وبيفيد المعدة، فالوصفة دي مش بس لذيذة، دي كمان صحية.

أفكار لتنوع طعم الثومية

لو حابة تغيري طعم الثومية، ممكن تضيفي معلقة صغيرة خل أبيض أو شوية زيت زيتون. كمان في ناس بتحط رشة كمون أو فلفل أبيض علشان نكهة أعمق. وكل الإضافات دي مش بتغير من أساس طريقة عمل الثومية الأصلية زي المطاعم السورية، لكنها بتدي لمسة مميزة.