مشيت في ذكرى وفاة بابا.. رشا سامي العدل تنعى سامح عبد العزيز
نعت رشا سامي العدل المخرج الراحل سامح عبد العزيز بكلمات مؤثرة ومليئة بالحزن، في رسالة كشفت فيها عن عمق علاقتهما بعيداً عن الأضواء، وتحديدًا في أصعب لحظات حياتها، خلال مرض والدها الفنان الراحل سامي العدل.
وجاء ذلك من خلال منشور عبر حسابها الرسمي على موقع "فيسبوك"، قائلاً: وجعت قلبي وقهرتني على الصبح أكتر ما هو موجوع في ذكرى وفاة بابا مشيت ورحلت عننا، أنا عمرى ما طلعت الكلام ده أو قولته أو وريته لحد بس حقك عليا دلوقتي أقول وربنا يشهد علي كلامي أنك من أجدع الأصدقاء ومن أوفاهم".
مواقف لاتنسي من سامح عبدالعزيز مع ابنه العدل
وذكرت مواقف سامح عبدالعزيز معها أثناء مرض والدها الراحل سامي العدل: "انا منزلة موقفين من ضمن مواقف كتير معايا انا شخصيا بس بعضهم شخصي بزيادة ف امتنع عن نشرهم طبعا لما بابا تعب سامح كان رغم شغله و انشغاله في موسم رمضان متابع معايا لحظة بلحظة تليفونات طبعا و رسايل ماسنجر و هو مشغول و طبعا زيارات رغم ان ماكانش بيتسمح بزيارات قوي يعني بس ده مامنعش انه يجرب و ييجي و ماسابنيش طول فترة تعب بابا و بعدها كان بيحرص انه يتطمن عليا من حين ل آخر و يسأل لو محتاجة حاجة او ناقصني شيء، لما فتحت مشروع صغير علي قدى و قررت اعمل اكل و ابيعه كان أول واحد عايز و مصمم يشاركنى و نفتح مطعم في القاهرة و كل شوية يكلمني هاه ياللا بقي و انا اقول له لسة شوية علي الخطوة دي يا موحا و انا نفسيا مش قادرة انزل القاهرة دلوقتي يسكت اسبوع كدة او اتنين و يرجع يكلمني يا بنتي فكري بقي تعبتيني".
وتابعت: اقوله ما احنا لسة متكلمين يقول لي و لسة برضه بتعندي و يقعد يحاول يقنعني طيب يا رشا انتي بالمجهود و انا راس المال اقول له مش ده اللي معطلني يسيبني شوية و يكلمني تاني يحاول يشجعني علي الخطوة و هكذا ، صاحبي صديقي و اخويا الجدع ماكانش حد عارف ان سامح اصلا صديقي من زمان بعيدا عن بابا و العيلة و الوسط الفني و من قبلهم و له مكانة خاصة في قلبي لان بابا كان بيحبه قوي و هو كمان كان بيعشقه".
واختتمت رسائلها قائلاً: "أديك روحت له يا موحة و سيبتونى هنا لوحدى بس انا مش هاسيبكم و هافضل فاكراكم و ادعيلكم و وعد مش هانساك و لا هاقطع دعواتي ليك يا غالي مع السلامة يا صديقي الجدع الطيب الله يرحمك و يغفر لك و يسكنك الفردوس الأعلى من غير حساب ولا سابق عذاب، وداعا سامح عبد العزيز".
وفاة سامح عبدالعزيز
كان قد أعلن الدكتور أشرف زكي نقيب المهن التمثيلية صباح اليوم، عن وفاة المخرج سامح عبدالعزيز بعد صراع مع المرض ويتم تشييع الجنازة اليوم بعد صلاة العصر في مسجد الشرطه بمدينة الشيخ زايد .
وكتب نقيب المهن التمثيلية عبر صفحته الرسمية على موقع التواصل الإجتماعي “ إنستجرام :" البقاء لله المخرج الكبير سامح عبدالعزيز، والجنازة عصرا من مسجد الشرطة الشيخ زايد".
