زوجة مسلم: معمولنا سحر في بيتنا وأنا ذنبي إني اتجوزت راجل بحبه
كشفت يارا تامر زوجة مسلم، أنها وزوجها يعانيان من وجود سحر في منزلهما، كما ردت على اتهامات تعاطيها المخدرات وشائعات زواجها أكثر من مرة قبل مسلم.
اتغلط في حقي وفي شرفي وساكتة
وقالت يارا تامر في فيديو عبر حسابها بموقع إنستجرام: “فيه سحر في بيتنا وحياتنا وصحة مسلم متأثرة بسبب السحر ده، وحسبي الله ونعم الوكيل، ومش عارفة أنا إيه ذنبي أنا معملتش حاجة غير إني اتجوزت راجل بحبه، ومش بحب حد يدخل في حياتي حتى أهلي، بس والله دي آخر مرة ممكن تشوفوني بدافع عن نفسي أو بتكلم عن الموضوع دا عشان خد أكتر من حجمه بس أنا اتغلط في حقي وفي شرفي وبقالي شهرين ساكتة عشان خاطر جوزي”.
كما ردت يارا تامر على اتهامها بتعاطي المخدرات وقالت: “ده منظر واحدة بتشرب مخدرات، قالوا إني بحط كانولا في إيدي، هل بالله عليكم عمر كان فيه حاجة في إيدي، أنا على طول طالعة بنص كم وكات، وأهلي ربوني جدًا، وأهلي أحسن ناس في الدنيا، وبابا أكتر حد مكافح شفته في حياتي، واللي بياخد حاجة من الحاجات دي بيكون رفيع جدًا وبيكون نحفان وأسود وبشرته شاحبة، أعوذ بالله ربنا يعفينا من الكلام ده”.
وأكدت يارا تامر أنها لا يوجد مشاكل بينها وبين أهل زوجها مسلم، ولكن مشكلتها مع شخصية واحدة فقط.
كما ردت يارا تامر على شائعات زواجها 7 مرات، قائلة: “إيه العبط ده، مين في الدنيا ممكن تتجوز 7 مرات وهي عندها 25 سنة.. وهل مفيش صورة وأنا لابسة فستان وعروسة؟.. أنا اتكتب كتابي مرة واحدة وأنا عمري عشرين سنة على شخص وبعدها فشكلنا، وهو دلوقتي الله يرحمه، وبلاش كدب وخوض في الأعراض”.
مسلم يكشف معاناته صحيًا
وكان مسلم، كشف أنه يعاني من مرض لا يعرف سببه، حيث كتب: “عمري ما تخيلت إن في حد يأذي حد بالطرق دي بجد .. حسبي الله ونعم الوكيل .. أنا حقيقي كل يوم في مستشفى شكل وعامل رسم قلب، وكل الفحوصات. وميظهرش حاجة في الكشف .. طب من إيه ؟ .. الطب نفسه مش عارف يشخص حالتي .. يارب أنت أقوى من أي حاجة .. وانت عارف إني إنسان نضيف ومليش في الأذية .. ولا أعرف العدوان .. أقف جمبي وحق لا إله إلا الله لأقف جمب أي حد يحتاج حاجة مني .. وأكون في المقدرة عليها .. هعملها يارب”.
