أمينة تحيي ذكرى وفاة شقيقتها: "ماتت أجمل حاجة في حياتي"
في لحظة مؤثرة مليئة بالشجن والحنين، أحيت الفنانة أمينة الذكرى السنوية السادسة لوفاة شقيقتها الكبرى عزة، التي رحلت عن عالمنا في السابع من يوليو عام 2019، بعد معاناة طويلة مع المرض.
أمينة تسترجع ذكرياتها مع شقيقتها
ونشرت المطربة أمينة صورة نادرة تجمعها بشقيقتها الراحلة، عبر حسابها الرسمي على إنستجرام، أرفقتها برسالة مؤلمة تعكس مدى عمق الفقد ومرارة الغياب.
كتبت أمينة تقول: “النهاردة الذكرى السنوية السادسة لروح الروح.. الأم، الأخت، الصديقة، المحبة.. أختي حبيبتي أم محمد وفهد.. يااااه لو تعرفي انتي وحشتيني إزاي.. للأسف مش هقدر أوصفلك، بس بدعيلك يا أختي، يا حبيبتي، يا أمي، يا حلوة.. انتي اللي كنتي دايمًا مبتسمة رغم مرضك وتعبك، عشتِ بصمامين في القلب محتاجين تغيير، وخفتي تعملي العملية.”
وأضافت أمينة في رسالتها: “الحمد لله كان في إمكانيات نعمل العملية، لكن هي قالتلي: (طول ما فيه نفس داخل وطالع من عند ربنا، خلاص.. لما يأذن الله هيتوفاني، يبقى عمري انتهى) .. فعلاً، عاشت لحد آخر نفس وراحت لربها يوم 7/7 الساعة 9 ونص بالليل.. ماتت أجمل حاجة في حياتي.. بحبك يا زوزة.. وكل ما بكبر بحتاجك أكتر، بس انتي دلوقتي عند الحنّان المنّان الغفور الرحيم... ربنا يجعل تعبك ومرضك في ميزان حسناتك.. اللهم آمين.. أنتم السابقون ونحن بكم لاحقون بإذن الله”.
تفاعل الجمهور مع رسالة أمينة
وتفاعل الجمهور بشكل كبير مع رسالة أمينة، حيث شاركوها مشاعر الحزن والدعاء للفقيدة، مؤكدين على أهمية الذكرى والوفاء لأرواح أحبائنا الذين رحلوا.
آخر أعمال المطربة أمينة الغنائية
ورغم حزنها الإنساني العميق، تواصل الفنانة أمينة حضورها الفني اللافت، حيث طرحت خلال شهر يونيو الماضي أغنيتها الجديدة “سد يا ماما سد”، تزامنًا مع عيد الأضحى المبارك، وحققت الأغنية تفاعلًا واسعًا بين الجمهور، وتعد أغنية “سد يا ماما سد” من كلمات: عمرو قطب، ومن ألحان: حسين زكريا، ومن توزيع موسيقي: نوار البحيري.
وجاءت كلمات الأغنية على النحو التالي: "نعمل حساب لمين دي عيال بيسننوا .. تاريخهم صفحتين وقاعدين يتكلموا .. نسيوا ان احنا التاريخ والختم المعتمد .. وعشان ياخدوا الشهاده في جامعتنا يقدموا .. تخشوا ويا مين مقارنه .. داحنا اهرامات في كارنا .. واترسمنا واتعوجنا .. لحد ما اتنحل وبرنا .. واجهه من زمان ويافطه .. أنظار العتاوله خاطفه .. اسمي يتذكر تحطوا .. تحت منه ألف شارطه .. سد يا ماما سد .. ماسمعش صوت حد .. اللي هيعمل قلق .. على رجله هيتمد .. سد يا ماما سد .. ماسمعش صوت حد .. ماتعمليش فيها حمله .. وتدخلي في حاره سد .. انا داخله افرد جسمي شويه .. لو جالك الشوق رني عليا .. مش عايزين جعجعه ع الفاضي :. عندي صداع ودماغي مهريه .. انزلي من علي ودني وكني .. بطلي كل شويه تزني .. مهما عملتي ومهما وصلتي .. هتعيشي وتموتي بتغيري مني .. انتوا فين علي الخريطه .. ولا هو شغل زيطة .. الأساس بتاعكوا فاضي .. طوبكوا مابيسندش حيطه .. انتوا مش في مستوانا .. عشان نشوفكوا بالامانه .. إلعبوا ويا حد غيرنا .. لسه زيكوا في حضانه .. حبة بواقي علي كماله .. وجنبي بتعانوا بطاله .. وانجازاتكوا كتاب فاضي .. وتاريخكوا كله أوضه وصاله .. حبة فكه في حصاله .. واخركوا كام بوست وحاله .. من كتر منا عاليه عليكوا .. طالعين ورايا علي سقاله".
