محمد فارس: شيكابالا اختار زيزو قائدًا بعده والزمالك ضيعه
علق الإعلامي محمد فارس، على انتقال أحمد سيد زيزو من الزمالك إلى الأهلي، مؤكدا أن هذه الصفقة ليست فقط صفقة فنية بل تمس جوهر الفريق وروحه القيادية، مشددًا على أن ما حدث يُعد من أغرب وأثقل الانتقالات في تاريخ الكرة المصرية.
وقال فارس، في تغريدة له عبر صفحته الرسمية بمنصة "إكس": "بصراحة الحتة بتاعة شيكابالا مع إبراهيم فايق إنه كان شايف إن لو سلم حد الراية فكان زيزو وبعد زيزو يشوف إن مفيش حد في الفريق دي حتة underrated جداً ومأخدتش حقها.. لأن هنا الكلام مش عن فنيات بس الكلام عن شخصية وقدرة على القيادة وعن الاستمرارية وعن مفهوم إن شيكابالا شايف زيزو يقدر يكون أسطورة الفريق وأنه كمان مش شايف اسم تاني قريب من زيزو يقدر يعمل ده".
وأضاف: "وده هيفضل يفسر ليه صفقة زيزو تأثيرها مش فني بس وليه هتفضل ردود أفعال الزمالكاوية عليها أكتر من إمام عاشور كمان. . الخسائر اللي خسرها الزمالك برحيل زيزو هي كلها مكاسب أضيفت للأهلي".
واختتم الإعلامي محمد فارس، تغريدته قائلًا: "الغريب جدا إن نوعية الصفقات دي عشان تحصل لازم بتكون مكلفة على طريقة ڤيجو من برشلونة للريال أو بيكون في انتقال تاني في النص مش انتقال مباشر.. إنما إن إدارة الفريق المنافس تسلمك لاعب كان هو الأعلى كقيمة سوقية داخل القارة free من غير ولا جنيه دي أغرب حاجة مرت عليا في انتقالات كرة القدم عموما".
الاحترافية والتوازن
أشاد الإعلامي محمد فارس، بطريقة النادي الأهلي في تقديم صفقاته الجديدة، مشيرًا إلى أن فيديو الإعلان عن انضمام بن رمضان وتريزيجيه، وتحديدًا زيزو، تميز بالاحترافية والتوازن دون أي تلميحات مستفزة لجمهور الزمالك، رغم أن صفقة زيزو كانت مرشحة للجدل والتصعيد.
وقال فارس، في تغريدة له عبر صفحته الرسمية بمنصة "إكس": "عايز أقول إن في فيديو تقديم بن رمضان وتريزيجية وتحديداً زيزو كان في تعليمات واضحة بتجنب أي حاجة ممكن يتم تفسيرها إنها فيها شكل من أشكال استفزّاز جمهور الزمالك".
